ԿԱՅՔԻ ՔԱՐՏԵԶ
ԹԵԺ ԳԻԾ
19.08.2014 15:12
Վարորդը և ուղևորը մարմնական վնասվածքներով տեղափոխվել են հիվանդանոց
Օգոստոսի 16-ին անհայտ քաղաքացուց ոստիկանության Քաշաթաղի շրջբաժնի հերթապահ մաս հաղորդում է ստացվել այն մասին, որ Լեռնահովիտ համայնքի «Կատոս» կոչվող տեղամասում ճանապարհատրանսպորտային պատահար է տեղի ունեցել:
Պարզվել է, որ նույն օրը` ժամը 12:30-ի սահմաններում, Միրիկ գյուղի բնակիչ, 1977թ. ծնված Կ. Ե-ն, վարելով «ԻՖԱ» մակնիշի առանց պետհամարանիշի ավտոմեքենան, նշված տեղամասում դուրս է եկել ճանապարհի երթևեկելի մասից ու վթարի ենթարկվել, ինչի հետևանքով ինքը ստացած մարմնական վնասվածքներով տեղափոխվել է Քաշաթաղի շրջհիվանդանոց, իսկ ուղևորը` նույն գյուղի բնակիչ, 1982թ. ծնված Գ. Ա-ն` Հանրապետական բժշկական կենտրոն: