ԿԱՅՔԻ ՔԱՐՏԵԶ
ԹԵԺ ԳԻԾ
22.01.2021 12:07
Թունավորման դեպքեր են արձանագրվել
Հունվարի 12-ին ԱՀ ոստիկանության Ստեփանակերտի քաղաքային վարչության հերթապահ մասից հաղորդում է ստացվել ԱՀ ոստիկանության Մարտակերտի շրջանային բաժին այն մասին, որ ժամը 07:10-ին շմոլ գազի թունավորումով «Հանրապետական բժշկական կենտրոն» ՓԲԸ են ընդունվել ՀՀ Գյումրի քաղաքի բնակիչ, 1962թ.ծնված Հ. Գ.-ն և ՀՀ Շիրակի մարզի բնակիչ, 1981թ.ծնված Հ. Գ.-ն։
Ստուգմամբ պարզվել է, որ նշված անձինք թունավորումը ստացել են նույն օրը ժամը 03:00-ի սահմաններում Մարտակերտ քաղաքի Ս. Հակոբյան փողոցում գտնվող տան բաղնիքում լոգանք ընդունելու ժամանակ ջրատաքացուցիչ կաթսայից արտանետված շմոլ գազից:
Ստուգմամբ զբաղվում է ԱՀ ոստիկանության Մարտակերտի շրջանային բաժինը:
Հունվարի 12-ին «Հանրապետական Բժշկական Կենտրոն» ՓԲԸ-ից հաղորդում է ստացվել ԱՀ ոստիկանության Ստեփանակերտ քաղաքի վարչություն այն մասին, որ հունվարի 9-ին ժամը 21:35-ին շմոլ գազի թունավորումով իրենց մոտ ընդունված և ամբուլատոր բուժում ստացող մայրաքաղաքի բնակչուհի, 1933թ.ծնված Գ. Ա.-ն հունվարի 10-ին ժամը 09:30-ին մահացել է:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: