ԿԱՅՔԻ ՔԱՐՏԵԶ
ԹԵԺ ԳԻԾ
22.03.2019 11:18
ԹՄՐԱՆՅՈՒԹԻ ՆՄԱՆՎՈՂ ԶԱՆԳՎԱԾԻ ՀԱՅՏՆԱԲԵՐՈՒՄ
Ս.թ. մարտի 21-ին ժամը 23:30-ին ԱՀ ոստիկանության Ստեփանակերտ քաղաքի վարչության քրեական հետախուզության բաժնի ծառայողները՝ ԱՀ ոստիկանության քրեական հետախուզության վարչության ծառայողների հետ համատեղ, թմրանյութ օգտագործելու և պահելու կասկածանքով մայրաքաղաքի Ազատամարտիկների փողոցից ԱՀ ոստիկանության Ստեփանակերտ քաղաքի վարչություն բերման են ենթարկել Ստեփանակերտ քաղաքի բնակիչ, 1984թ.ծնված Մ. Բ-ին, իր կողմից վարած «MERCEDES-BENZ V230» մակնիշի ավտոմեքենայով, որի սրահի վահանակի վրա հայտնաբերվել է 0.37 գրամ քաշով չորացված և մանրացված սպեցեֆիկ հոտով թմրանյութի նմանվող բուսական զանգվածի պարունակությամբ 1 փաթեթ, իսկ դիմացի նստատեղերի արանքում առկա սպորտային պայուսակի մեջ՝ հայտնաբերվել է 1.84, 1.87, 1.88, 1.86 և 1.10 գրամ քաշով նմանատիպ զանգվածի պարունակությամբ թվով 5 փաթեթ։
Հայտնաբերված զանգվածների ընդհանուր քաշը կազմում է 8.92 գրամ։
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: