ԿԱՅՔԻ ՔԱՐՏԵԶ
ԹԵԺ ԳԻԾ
13.09.2016 17:42
Զննությամբ հայտնաբերվել է կանեփանման բույսի զանգվածներ
Սեպտեմբերի 10-ին ստացված տվյալների ստուգման արդյունքում զննության է ենթարկվել Շուշի քաղաքի Ագուլեցոց փողոցի N տան բնակիչ, 1980թ. ծնված Բ. Գ-ի տունը, որին կից կիսաքանդ բաղնիքում հայտնաբերվել է ցանված և մշակված կանեփի 3 թուփ, իսկ բակի մետաղյա թիթեղների արանքից ու սենյակներից` 118.84 գրամ ընդհանուր քաշով կանեփանման բույսի չորացված և մանրացված զանգվածներ:
****
Սեպտեմբերի 10-ին զննության է ենթարկվել Ստեփանակերտ քաղաքի Տեր-Գաբրիելյան փողոցի N տան բնակիչ, 1988թ. ծնված Ն. Գ-ին պատկանող տունը, որի զուգարանի պատի արանքից հայտնաբերվել է 0.47 գրամ քաշով փաթեթավորված կանաչ գույնի, չորացված և մանրացված կանեփանման բույսի զանգված, իսկ Ազատամարտիկների փողոցի թիվ 36 շենքի N բնակարանի բնակիչ, 1983թ. ծնված Ա. Ե-ին պատկանող «Նիսսան Տիանա» մակնիշի ավտոմեքենայի սրահում հայտնաբերվել է 12,75 գրամ ընդհանուր քաշով փաթեթավորված կանեփանման բույսի զանգվածներ, իսկ վերջինիս պատկանող հավաբնից` 33.06 գրամ նմանատիպ զանգված:
Ն. Գ-ն և Ա. Ե-ն բերման են ենթարկվել ոստիկանության քաղվարչություն: