ԿԱՅՔԻ ՔԱՐՏԵԶ
ԹԵԺ ԳԻԾ
23.01.2017 14:42
Գողություն՝ «Ստեփանակերտի կոնյակի գործարան» ՓԲԸ Մարտունու մասնաճյուղից
Հունվարի 21-ին ԼՂՀ ոստիկանության քրեական հետախուզության վարչության և ոստիկանության Մարտունու շրջանային բաժնի ծառայողները, ստացված տվյալների ստուգման արդյունքում պարզել են, որ Մարտունի քաղաքի Կարվին թաղամասի բնակիչներ, 1991թ. ծնված Հ. Դ-ն («Ստեփանակերտի կոնյակի գործարան» ՓԲԸ Մարտունու մասնաճյուղի բանվոր-օղեթորող) նշված գործարանից գողացել է 36 հատ 3 լիտր և 1 հատ 20 լիտր տարողությամբ ապակյա տարաներ, որոնց մեջ առկա են եղել սպիրտի նմանվող հեղուկ, 1968թ. ծնված Ն. Դ-ն (գործարանի պահակ)՝ 3 հատ պլաստմասե տարաներ, որոնց մեջ առկա են եղել համապատասխանաբար 170 լիտր և 30 լիտր մուգ գույնի գինու նմանվող և 28 լիտր նռան հյութին նմանվող հեղուկներ, 1961թ. ծնված Ս. Դ-ն (բանվոր-օղեթորող)՝ պլաստմասե տարաներ, որոնց մեջ առկա են եղել ընդհանուր 140 լիտր սպիրտի նմանվող, 565 լիտր օղու նմանվող և 40 լիտր գինու նմանվող հեղուկներ, Օզանյան փողոցի N տան բնակիչ, 1957թ. ծնված Գ. Ա-ն (գինեգործ)՝ թվով 3 հատ 3 լիտր և 1 հատ 1.5 լիտր տարողությամբ ապակյա տարաներ, որոնց մեջ առկա են եղել սպիրտի նմանվող հեղուկ և 50 լիտր ու 100 լիտր տարողությամբ փայտե տարաներ, որոնց մեջ առկա են եղել կոնյակի նմանվող հեղուկներ, իսկ ՈՒլուբաբյան փողոցի N տան բնակիչ, 1994թ. ծնված Տ. Գ-ն (բանվոր-օղեթորող) գողացել է 4 հատ ապակյա տարաներ, որոնց մեջ առկա են եղել ընդհանուր 10 լիտր սպիրտի նմանվող հեղուկ:
