ԿԱՅՔԻ ՔԱՐՏԵԶ
ԹԵԺ ԳԻԾ
05.07.2016 18:00
Բերման են ենթարկվել
Հուլիսի 3-ին Քաշաթաղի շրջանի Մշենի գյուղի բնակչուհի, 1974թ. ծնված Ո. Հ-ն ոստիկանության շրջբաժին է դիմել այն մասին, որ հուլիսի 2-ի ժամը 10:30-ից մինչև 19:00-ն ընկած ժամանակահատվածում անհայտ անձը դռան կախովի կողպեքը կոտրելու միջոցով ապօրինի մուտք է գործել իր առանձնատուն և գողացել 1 հեռուստացույց, բջջային հեռախոս, տեսանվագարկիչը, արբանյակային ալեհավաք, «Արցախբանկ» ՓԲԸ բանկային քարտ, բազմոցի 3 ծածկոց և 6 հատ փափուկ խաղալիքներ, ինչպես նաև ժավելի սպիրտ ու ձեթ թափելով՝ վնասել հագուստներ ու անկողնային պարագաներ՝ պատճառելով 500.000 դրամի նյութական վնաս:
Պարզվել է, որ նշված հանցագործությունը կատարել է համագյուղացի՝ 1974թ. ծնված Հ. Ե-ն:
Գողոնն առգրավված է:
Հ. Ե-ն բերման է ենթարկվել ոստիկանության շրջբաժին:
****
Հուլիսի 2-ին Ստեփանակերտ քաղաքի Զորգե փողոցի N տան բնակիչ, 1987թ. ծնված Ս. Ա-ն ոստիկանության քաղվարչություն է դիմել այն մասին, որ նույն օրը՝ ժամը 13:00-ից մինչև 15:00-ն ընկած ժամանակահատվածում, ոմն Թեմուրը իր տան առաջին հարկի ավտոտնակին կից սենյակից գողացել է 230.000 դրամ:
Ձեռնարկված միջոցառումների արդյունքում պարզվել է, որ նշված գողությունը կատարել է ՀՀ Երևան քաղաքի Ն.Շենգավիթի 9-րդ փողոցի թիվ 1 շենքի N բնակարանի բնակիչ, 1978թ. ծնված Թեմուր Ռ-ն:
Գողոնը մասամբ առգրավված է:
Թ. Ռ-ն բերման է ենթարկվել ոստիկանության քաղվարչություն: