ԿԱՅՔԻ ՔԱՐՏԵԶ
ԹԵԺ ԳԻԾ
08.09.2020 12:02
Այծի միս և որսորդական հրացաններ են հայտնաբերվել
Սեպտեմբերի 7-ին ԱՀ ոստիկանության քրեական հետախուզության վարչության ծառայողը զեկուցագիր է ներկայացրել այն մասին, որ ստացված Ասկերանի շրջանի բնակիչ, 1962թ.ծնված Լ. Հ.-ին պատկանող առանձնատանը զննությամբ ննջասենյակում հայտնաբերվել է վերջինիս անվամբ հառվառված 1 միավոր երկփողանի և մեկ միավոր մեկփողանի հրացանները,ինչպես նաև մեկ միավոր առանց հառվառման հրացանը և 6,745 կգ բեզոարյան այծի միս, որը վերջինս որսացել է սեպտեմբերի սկզբին նույն համայնքի «Գյոդակ մանը» կոչվող տեղամասից:
Միսը և որսորդական հրացանները արձանագրությամբ վերցվել են հետագա ստուգումներ իրականացնելու համար:
Ստուգմամբ զբաղվում է ԱՀ ոստիկանության ՔՀ վարչությունը: