ԿԱՅՔԻ ՔԱՐՏԵԶ
ԹԵԺ ԳԻԾ
ԼՂՀ ոստիկանության ծառայությունների և տարածքային ստորաբաժանումների
2015թ. օպերատիվ-ծառայողական գործունեության
արդյունքները
2015թ. ընթացքում Լեռնային Ղարաբաղի Հանրապետությունում գրանցված հանցագործությունների ընդհանուր թվաքանակը աճել է 32,6%-ով կամ 114 դեպքով (2014թ.՝ 350, 2015թ.՝ 464), որոնցից 144-ը (68-ի դիմաց) հաշվետու ժամանակաշրջանում գրանցված նախկին տարիներին կատարված հանցագործություններ են։
Հանցագործությունների ընդհանուր թվաքանակի աճի պարագայում, բնականաբար աճել է նաև հանցավորության գործակիցը։ Հաշվետու տարում 10.000 բնակչին բաժին ընկնող հանցագործությունների թիվը հանրապետությունում կազմել է 31,2:
Հանցավորության ընդհանուր կառուցվածքում աճել են սեփականության (35,5%-ից 36,5%), տնտեսական գործունեության (1,9%-ից 5,3%) և պետական իշխանության, ծառայության ու կառավարման կարգի (12,0%-ից 16,5%) դեմ ուղղված հանցագործությունների մասնաբաժինները, փոխարենը նվազել են քրեական հետախուզության գծով գրանցված (77,8%-ից 76,8%) անձի (14,5%-ից 12,5%)և հասարակական կարգի ու բնակչության առողջության (32,7%-ից 24,5%) դեմ ուղղված հանցագործությունների տեսակարար կշիռները։
Աճել են նաև միջին ծանրության (41,9%-ից 52,6%) և ծանր (13,3%-ից 16,9%) հանցագործությունների տեսակարար կշիռները, փոխարենը նվազել է առանձնապես ծանր (1,5%-ից 1,3%) հանցագործությունների տեսակարար կշիռը։
Մարդու դեմ ուղղված հանցագործությունների կազմում 2-ով (1-ից 3) աճ է արձանագրվել սպանության, 2-ով (15-ից 17) դիտավորությամբ առողջությանը վնաս պատճառելու, որից 6-ով (1-ից 7) ծանր և 2-ով (6-ից 8) սեռական անձեռնմխելիության դեմ ուղղված հանցագործությունների դեպքերը։ Միևնույն ժամանակ 2-ով (2-ից 0) նվազել են սպանության փորձի դեպքերը։
Հասարակական անվտանգության, հասարակական կարգի և բնակչության առողջության դեմ ուղղված հանցագործությունների կառուցվածքում 18-ով (36-ից 54) աճել են հրազեն, ռազմամթերք պահելու և պատրաստելու դեպքերը, 3-ով (8-ից 5) նվազել են ճանապարհատրանսպորտային պատահարների, 3-ով (9-ից 6) խուլիգանության և 14-ով (51-ից 37) թմրամիջոցների հետ կապված հանցագործությունների դեպքերը։
Սեփականության դեմ ուղղված հանցագործությունների կազմում 54-ով (83-ից 137) աճել են պետական և անձնական գույքի գողության, որից 33-ով (20-ից 53) բնակարանային գողության, 8-ով (9-ից 17) խարդախության դեպքերը։ Միևնույն ժամանակ 1-ով (3-ից 2) նվազել են ավազակության, 2-ով (2-ից 0) կողոպուտի, 2-ով (7-ից 5) յուրացման կամ վատնման, 4-ով (4-ից 0) ավտոտրանսպորտային միջոցներ փախցնելու դեպքերը։
Տնտեսական գործունեության դեմ ուղղված հանցագործությունների կազմում 1-ով (0-ից 1) աճել են ապօրինի կամ կեղծ ձեռնարկատիրության դեպքերը, փոխարենը 2-ով (2-ից 0) նվազել են կեղծ փողեր կամ արժեթղթեր պատրաստելու, պահելու կամ իրացնելու և 1-ով (1-ից 0) հարկերի, տուրքերի վճարումից խուսափելու դեպքերը։
Պետական իշխանության, ծառայության և կառավարման կարգի դեմ ուղղված հանցագործությունների կազմում 4-ով (6-ից 10) աճել են պաշտոնեական լիազորությունները չարաշահելու և անցնելու, 19-ով (3-ից 22) պաշտոնեական կեղծիքի և 1-ով (4-ից 5) իշխանության ներկայացուցչի նկատմամբ բռնություն գործելու դեպքերը։ Հանրապետությունում քրեածին իրավիճակն ապակայունացնող հանցագործությունների նախականխման ուղղությամբ ոստիկանության մարմինների կողմից բնակչության շրջանում տարված աշխատանքների շնորհիվ 2015թ. ընթացքում առգրավվել և կամավոր հանձնվել է 136 միավոր հրազեն (2014թ.՝ 160)։
Քրեական պատասխանատվության ենթարկված անձանցից միայն 13-ը կամ 8,1%-ն են եղել նախկինում դատված կամ դատվածությունը չմարված անձինք (2014թ.՝ 8,6% կամ 15), որոնցից 2-ը հանցագործություն են կատարել ազատազրկման վայրից ազատվելուց հետո 1 տարվա ընթացքում։
Հաշվետու տարում քրեական պատասխանատվության ենթարկված անչափահասների թվաքանակը նվազել է 5-ով (17-ից 12):
Հրազենի, ռազմամթերքի գործադրմամբ կատարված 2 հանցագործություններն էլ բացահայտված են։
2014թ. համեմատությամբ, բացահայտման աշխատանքների արդյունավետություն է դիտվում անձնական գույքի գողության (74,4%-ից 84,5%), այդ թվում բնակարանային գողության (75%-ից 85,7%) դեպքերով։ 100%-անոց բացահայտման ցուցանիշները պահպանվել են սպանության, սպանության փորձերի, դիտավորությամբ առողջությանը վնաս պատճառելու, սեռական անձեռնմխելիության դեմ ուղղված հանցագործությունների, հրազեն, ռազմամթերք պահելու և պատրաստելու, ճանապարհատրանսպորտային պատահարների, թմրամիջոցների հետ կապված հանցագործությունների, պետական գույքի յուրացման կամ վատնման, ավազակությամբ անձնական գույքի հափշտակության, պաշտոնեական լիազորությունները չարաշահելու և անցնելու, պաշտոնեական կեղծիքի և իշխանության ներկայացուցչի նկատմամբ բռնություն գործադրելու դեպքերով։
Որպես դրական միտում կարելի է նշել հրազեն, ռազմամթերք պահելու և պատրաստելու դեպքերով հայտնաբերման ցուցանիշը (36-ից 54):
Հաշվետու ժամանակահատվածում ԼՂՀ տարածքում կազմակերպվել և անց է կացվել «Կանեփ-կակաչ-2015» համալիր-կանխարգելիչ միջոցառման 1-ին և 2-րդ փուլերը, որի արդյունքում ի հայտ է բերվել մշակումն արգելված թմրանյութ պարունակող բույսեր ապօրինի ցանելու և աճեցնելու 14 դեպք:
Ճանապարհային երթևեկության ինտենսիվության շարունակական աճի պայմաններում հանրապետության տարածքում 11-ով (62-ից 73) աճել է ճանապարհատրանսպորտային պատահարների քանակը, 18-ով` (67-ից 85) վիրավորների քանակը, իսկ զոհերի քանակը նվազել 2-ով (14-ից 12)։