ԿԱՅՔԻ ՔԱՐՏԵԶ
ԹԵԺ ԳԻԾ
ԼՂՀ ոստիկանության ծառայությունների և տարածքային ստորաբաժանումների
2013թ. օպերատիվ-ծառայողական գործունեության
արդյունքները
2013թ. ընթացքում Լեռնային Ղարաբաղի Հանրապետությունում գրանցված հանցագործությունների ընդհանուր թվաքանակն աճել է 13,5%-ով կամ 53 դեպքով(2012թ. 393, 2013թ. 446):
Հանցագործությունների ընդհանուր թվաքանակի աճի պարագայում, բնականաբար, աճել է նաև հանցավորության գործակիցը: Հաշվետու տարում 10.000 բնակչին բաժին ընկնող հանցագործությունների թիվը հանրապետությունում կազմել է 30,4 (2012թ. 27,2):
Հանցավորության ընդհանուր կառուցվածքում աճել են մարդու(12,7%-ից 13,0%), հասարակական անվտանգության, հասարակական կարգի և բնակչության առողջության (25,5%-ից 31,4%) և տնտեսական գործունեության (4,5%-ից 9,9%) դեմ ուղղված հանցագործությունների մասնաբաժինները, փոխարենըª նվազել են սեփականության (38,7%-ից 29,6%) ու պետական իշխանության, ծառայության և կառավարման կարգի (14,3%-ից 9,0%) դեմ ուղղված հանցագործությունների տեսակարար կշիռները:
2013թ. ընթացքում առանձնապես ծանր հանցագործությունների թիվը մնացել է անփոփոխ (7-7):
Ծանր հանցագործությունների թիվը նվազել է 2 դեպքով կամ 3,2%-ով (63-61), որը պայմանավորված է ԼՂՀ քրեական օրենսգրքում կատարված փոփոխություններով, որի արդյունքում 183-րդ և 184-րդ հոդվածների 2-րդ մասերով նախատեսված արարքները ծանր հանցագործությունների շարքից դասվել են միջին ծանրության հանցագործությունների շարքին:
Մարդու դեմ ուղղված հանցագործությունների կազմում 1-ով (0-ից 1) աճ է արձանագրվել սպանության փորձերի և եռակի աճ (7-ից 21) սեռական անձեռնմխելիության դեմ ուղղված հանցագործությունների դեպքերով: Միևնույն
ժամանակ 1-ով (3-ից 2) նվազել են սպանության, 4-ով (15-ից 11) դիտավորությամբ առողջությանը վնաս պատճառելու դեպքերը:
Հասարակական անվտանգության, հասարակական կարգի և բնակչության առողջության դեմ ուղղված հանցագործությունների կառուցվածքում արձանագրված աճը 96-ից 133, պայմանավորված է լատենտային բնույթ կրող այնպիսի հանցագործությունների աճով, ինչպիսիք են հրազեն, ռազմամթերք պահելը, պատրաստելըª 14-ից 31 և թմրամիջոցների հետ կապված հանցագործություններըª 44-ից 80:
2-ով (9-ից 7) նվազել են ճանապարհատրանսպորտային պատահարների (հ.253) և 8-ով (19-ից 11) խուլիգանության դեպքերը:
Սեփականության դեմ ուղղված հանցագործությունների կազմում 1-ով (2-ից 3) աճ է արձանագրվել կողոպուտի, 3-ով (3-ից 6) պետական գույքի գողության, 2-ով (1-ից 3) պետական գույքը խարդախությամբ հափշտակելու և 3-ով (1-ից 4) անձնական գույքի յուրացման ու վատնման դեպքերով:
Միևնույն ժամանակ այս ոլորտում 12-ով (90-ից 78) նվազել են անձնական գույքի գողության, այդ թվում 4-ով (35-ից 31) բնակարանային գողության և 5-ով (13-ից 8) անձնական գույքը խարդախությամբ հափշտակելու դեպքերը:
Հանրապետությունում քրեածին իրավիճակն ապակայունացնող հանցագործությունների նախականխման ուղղությամբ ոստիկանության մարմինների կողմից բնակչության շրջանում տարված բացատրական աշխատանքների շնորհիվ 2013թ. ընթացքում կամավոր ներկայացվել է 99 միավոր հրազեն (2012թ.ª 42): Թվային տվյալները վկայում են այն մասին, որ բնակչության մոտ դեռևս առկա է ապօրինի պահվող զենքի և ռազմամթերքի պատկառելի քանակություն:
Հանցագործությունների ընդհանուր թվաքանակի աճին զուգընթաց արձանագրվել է ինչպես բոլոր գծերով (346-ից 355), այնպես էլ քրեական հետախուզության գծով հանցագործություն կատարած անձանց թվի աճ (244-ից 249 :
Հաշվետու տարում քրեական պատասխանատվության ենթարկված անչափահասների թվաքանակը նվազել է 1-ով (14-ից 13), իսկ նրանց կողմից կատարված հանցագործությունների քանակը մնացել անփոփոխ (15-15):
Հանցագործությունների ընդհանուր թվաքանակի աճի պարագայում աճել է նաև վերջիններիս բացահայտման արդյունավետությունը:
4,1%-ով (91,6%-ից 95,7%) աճել են հաշվետու տարում գրանցված, բացահայտման տոկոսում հաշվվող, 3,5%-ով (94,3%-ից 97,8%) միջին ծանրության, 4,4%-ով (82,1%-ից 86,5%) ծանր, 20,0%-ով (80,0%-ից 100%) առանձնապես ծանր և 6,2%-ով (87,9%-ից 94,1%) քրեական հետախուզության գծով հանցագործությունների բացահայտման ցուցանիշները:
4,1%-ով (90,1%-ից 94,2%) բարելավվել են նաև վարույթում գտնվող քրեական գործերով, 3,0%-ով (92,8%-ից 95,8%) միջին ծանրության, 4,5%-ով (79,7%-ից 84,2%) ծանր, 20,0%-ով (80,0%-ից 100%) առանձնապես ծանր և 6,4%-ով (86,1%-ից 92,5%) քրեական հետախուզության գծով հանցագործությունների բացահայտման արդյունավետության ցուցանիշները:
Հաշվետու ժամանակահատվածում վարույթում գտնվող առանձնապես ծանր 9 հանցագործություններից 8-ը բացահայտվել է:
Հրազենի գործադրմամբ կատարված հանցագործությունների աճի հետ մեկտեղ (1-ից 2), արձանագրվել է դրանց բացահայտման 100%-անոց ցուցանիշ:
Հաշվետու տարում զգալիորեն աճել է նախկին տարիներին կասեցված քրեական գործերով հանցագործությունների բացահայտման աշխատանքների արդյունավետությունը: Բացահայտված հանցագործությունների թիվն աճել է 13-ով (5-ից 18):
Բավականին արդյունավետ աշխատանքներ են կատարվել լատենտային բնույթ կրող հանցագործությունների հայտնաբերման ուղղությամբ: Որպես դրական միտում հարկ է նշել, որ 100%-անոց բացահայտման ցուցանիշներ են արձանագրվել հրազեն, ռազմամթերք պահելու և պատրաստելու, թմրամիջոցների ապօրինի շրջանառության դեպքերով:
ԼՂՀ տարածքում կազմակերպվել և 2 փուլով անց է կացվել ՙԿանեփ-կակաչ-2013՚ համալիր կանխարգելիչ միջոցառումը: Ի հայտ են բերվել մշակումն արգելված թմրանյութ պարունակող բույսեր ապօրինի ցանելու և աճեցնելու 12 դեպքեր (1-ըª Ստեփանակերտ քաղաքում, 2-ականª Ասկերանի, Մարտունու, Հադրութի, Քաշաթաղի և 3-ըª Մարտակերտի շրջաններում), արդյունքում հայտնաբերվել և ոչնչացվել են 5727,9 կգ վայրի կանեփի և 173գ անմշակ կակաչի զանգվածներ, ինչպես նաև հայտնաբերվել և առգրավվել է 1 կգ 971գ կանեփանման բույսի զանգված, 0,85գ կակաչանման բույսի զանգված և 67,6գ մարիխուանա:
2013թ. ընթացքում վարչության վարույթում քննվել է 335 քրեական գործ (344-ի դիմաց), նվազումը կազմել է 9 քրեական գործ կամ 2,6%:
Հաշվետու տարում 8-ով (19-ից 11) նվազել են հասարակական վայրերում կատարված հանցագործությունները:
Հաշվետու տարում քաղաքացիներին տրվել է 9111 անձնագիր (7316-ի դիմաց):
Ճանապարհային երթևեկության ինտենսիվության շարունակական աճի պայմաններում հանրապետության տարածքում 10-ով (51-ից 61) աճել է ճանապարհատրանսպորտային պատահարների քանակը, իսկ զոհերի և վիրավորների քանակները նվազել են համապատասխանաբար 1-ով (13-ից 12) և 11-ով (88-ից 77):