ԿԱՅՔԻ ՔԱՐՏԵԶ
ԹԵԺ ԳԻԾ
03.08.2015 14:57
Օպերատիվ խորհրդակցություն՝ «ԼՂՀ տեղական ինքնակառավարման մարմինների ընտրությունների նախապատրաստական աշխատանքների կազմակերպման» ուղղությամբ
Համաձայն ԼՂՀ ոստիկանության ղեկավարության մոտ 2015թ. 2-րդ կիսամյակում անցկացվելիք օպերատիվ խորհրդակցությունների պլանի՝ սույն թվականի հուլիսի 31-ին ԼՂՀ ոստիկանության պետի տեղակալ-շտաբի պետ, ոստիկանության գնդապետ Բորիս Ենգիբարյանը օպերատիվ խորհրդակցություն անցկացրեց ԼՂՀ ոստիկանության կենտրոնական ապարատի անձնագրային և վիզաների բաժնի ու ոստիկանության տարածքային ստորաբաժանումների անձնագրային գծով պատասխանատուների հետ։
Խորհրդակցության օրակարգը նվիրված էր սույն թվականի սեպտեմբերի 13-ին նախանշված «ԼՂՀ տեղական ինքնակառավարման մարմինների ընտրությունների նախապատրաստական աշխատանքների կազմակերպմանը»։
Հիմնական զեկույցով հանդես եկավ ոստիկանության անձնագրային և վիզաների բաժնի պետ, ոստիկանության կապիտան Արմեն Մովսիսյանը, ով մանրակրկիտ ներկայացրեց ԼՂՀ ընտրական օրենսգրքով ոստիկանությանը վերապահված գործողությունների կատարման նախապատրաստական աշխատանքների կազմակերպման ընթացքը։
Զեկուցողը նշեց նաև, որ ընտրությունների նախապատրաստման և անցկացման հիմնական միջոցառումների պլանի համաձայն՝ արդեն իսկ հստակեցված են միջոցառումների իրականացման կատարողները, համակատարողները, պատասխանատուները և կատարման ժամկետները։
ԼՂՀ ոստիկանության պետի տեղակալ-շտաբի պետ Բորիս Ենգիբարյանը, մանրամասն վերլուծելով ոստիկանության տարածքային ստորաբաժանումների անձնագրային գծով պատասխանատուների կատարած աշխատանքները, հանձնարարեց ուժերի գերլարմամբ լծվել աշխատանքների կազմակերպմանը՝ բացառելով ԼՂՀ ԱԺ ընտրությունների ընթացքում թույլ տրված նույնիսկ աննշան բացթողումները։