Օպերատիվ խորհրդակցություն հասարակական կարգի ապահովման բաժնի պրոֆիլակտիկայի բաժին-բաժանմունքների ծառայողների հետ

Համաձայն ԼՂՀ ոստիկանության ղեկավարության մոտ 2016թ. 1-ին կիսամյակում անցկացվելիք օպերատիվ խորհրդակցությունների պլանի` սույն թվականի մայիսի 24-ին ԼՂՀ ոստիկանության պետի տեղակալ, ոստիկանության գնդապետ Գագիկ Ղահրամանյանը օպերատիվ խորհրդակցություն անցկացրեց հասարակական կարգի ապահովման բաժնի պրոֆիլակտիկայի բաժին-բաժանմունքների ծառայողների հետ։

Ըստ սահմանված աշխատակարգի՝ օպերատիվ խորհրդակցության օրակարգում ընդգրկված էին՝ հասարակական վայրերում կատարված հանցագործությունների քննարկման, ինչպես նաև թույլտվության համակարգի կողմից քաղաքացիների զենքերի գրանցման և վերագրանցման ուղղությամբ ԼՂՀ ոստիկանության հասարակական կարգի ապահովման բաժնի պրոֆիլակտիկայի բաժին-բաժանմունքների կողմից կատարված աշխատանքները։

Օրակարգի 1-ին հարցով հանդես եկավ ԼՂՀ ոստիկանության հասարակական կարգի ապահովման բաժնի պետ, ոստիկանության գնդապետ Գրիգորի Աբրահամյանը, ով հիմնականում կանգ առավ հասարակական վայրերում կատարված հանցագործությունների մանրակրկիտ վերլուծությանը։  

Թույլտվության համակարգի կողմից քաղաքացիների զենքերի գրանցման և վերագրանցման շարժի և առաջացող հարցերի վերաբերյալ զեկույցը ներկայացրեց ԼՂՀ ոստիկանության ՀԿԱԲ թ/հ ավագ տեսուչ, ոստիկանության ավագ լեյտենանտ Արման Պողոսյանը:

Ընդհանրացնելով խորդհրդակցության արդյունքները՝ ոստիկանության պետի տեղակալ, ոստիկանության գնդապետ Գագիկ Ղահրամանյանը տարածքային ստորաբաժանումների պրոֆիլակտիկայի բաժին-բաժանմունքների ծառայողներին  հանձնարարեց առավել ակտիվացնել հասարակական կարգի լիարժեք ապահովման և հասարակական վայրերում կատարված հանցագործությունների նախականխման ուղղությամբ իրականացվող աշխատանքները։

Թույլտվության համակարգի կողմից քաղաքացիների զենքերի գրանցման և վերագրանցման ընթացքում ծագող հարցերի վերաբերյալ ծավալված քննարկման արդյունքներով ոստիկանության պետի տեղակալը հանձնարարեց բոլոր պայմանները ստեղծել քաղաքացիների պատշաճ սպասարկումն ապահովելու համար։