ԿԱՅՔԻ ՔԱՐՏԵԶ
ԹԵԺ ԳԻԾ
23.09.2019 12:41
Օդաճնշիչ ատրճանակով կրակոցներ է արձակել
Սեպտեմբերի 20-ին Ստեփանակերտ քաղաքի բնակչուհի, 1966թ.ծնված Ս. Գ.-ն հեռախոսով հաղորդել է ԱՀ ոստիկանության Ստեփանակերտ քաղաքի վարչություն առ այն, որ ներկայացել է Մաշտոց փողոցի թիվ 3 հասցեում տեղակայված իրեն պատկանող «Էլեն» գեղեցկության սրահ և նկատել, որ ապակին ջարդված է:
Ոստիկանության ծառայողները պարզել են, որ սեպտեմբերի 19-ին, ժամը 19:00-ից մինչև սեպտեմբերի 20-ի ժամը 10:30-ն ընկած ժամանակահատվածում, անհայտ անձը մեխանիկական ներգործությամբ վնասել է նշված հասցեում տեղակայված Ս. Գ.-ին պատկանող «Էլեն» գեղեցկության սրահի կողային ապակին:
Ձեռնակրված միջոցառումների արդյունքում պարզվել է, որ սեպտեմբերի 17-ին ժամը 00:30-ի սահմաններում Ստեփանակերտ քաղաքի բնակիչ,1965թ.ծնված Ա. Ա.-ն իրեն պատկանող Մ. Մաշտոց փողոցի թիվ 3 հասցեում գտնվող լուսանկարահանման սրահում «ПМК 654» մոդելի օդաճնշիչ ատրճանակով կրակոցներ է արձակել, ինչի արդյունքում գնդակները դիպչել են հարևանությամբ գտնվող «Էլեն» գեղեցկության սրահի պատուհանին և ջարդել ապակին:
Նշված հաղորդման ստուգման ընթացքում՝ դեպքի վայրի զննությամբ, Մ. Մաշտոց փողոցի թիվ 3 հասցեում գտնվող լուսանկարահանման սրահում՝ նշված ատրճանակի հետ մեկտեղ հայտնաբերվել են նաև Ա. Ա.-ի կողմից ապօրինի պահվող 16 տուփ փամփուշտ, 2 հատ սվին-դանակ, 8 հատ «Ֆ-1» տիպի նռնակ, 1 հատ «ՌԳԴ» տիպի նռնակ, 10 հատ պայթուցիչ և «ԱԿ-74» մոդելի ինքնաձիքի փող:
Վնասի չափը ճշտվում է:
Ստուգմամբ զբաղվում է ԱՀ ոստիկանության Ստեփանակերտ քաղաքային վարչությունը: