ԿԱՅՔԻ ՔԱՐՏԵԶ
ԹԵԺ ԳԻԾ
19.05.2020 12:18
Քաղաքացին դրսևորել է ագրեսիվ պահվածք
Մայիսի 15-ին ԱՀ ոստիկանության ՃՈ տեսուչը հեռախոսով հաղորդել է ԱՀ ոստիկանության Մարտունու շրջանային բաժին այն մասին, որ նույն օրը ժամը 11:30-ի սահմաններում, Մարտունի քաղաքի Վ. Խաչատրյան և Ազատամարտիկների փողոցների խաչմերուկում իրավախախտում կատարելու համար կանգնեցրել է Մարտունի քաղաքի բնակի,չ 1996թ.ծնված Ռ. Հ.-ի վարած «ԲՄՎ-525» մակնիշի ավտոմեքենան, սակայն վերջինս չենթարկվելով ՃՈ տեսուչի օրինական պահանջներին հեռացել է դեպքի վայրից:
ԱՀ ոստիկանության ծառայողները պարզել են, որ ժամը 11:30-ին ԱՀ ոստիկանության ՃՈ ավագ տեսուչը տեխզննման կտրոնի բացակայության պատճառով կանգնեցրել է նշված ավտոմեքենան, սակայն վարորդ՝ Ռ. Հ.-ն չենթարկվելով տեսուչի օրինական պահանջներին՝ հեռացել է դեպի Մարտունի քաղաքի «Ռուսեն Թաղ» կոչվող տեղամասը: Թույլ տված իրավախախտումը արձանագրելու նպատակով ծառայողական ավտոմեքենայով ՃՈ տեսուչը հետևել է նրան և նշված տեղամասում հանդիպել Ռ. Հ.-ին, սակայն վերջինս դրսևորել է ագրեսիվ պահվածք, որի ընթացքում սեռական բնույթի բարձրաձայն հայհոյանքներ է հնչեցրել տեսուչի հասցեին և փորձել հարվածներ հասցնել նրան: Դեպքի վայր մեկնած օպերատիվ խումբը կանխել է Ռ. Հ.-ի գործողությունները և բերման ենթարկել ոստիկանության Մարտունու շրջանային բաժին:
Ստուգմամբ զբաղվում է ԱՀ ոստիկանության Մարտունու շրջանային բաժինը: