ԿԱՅՔԻ ՔԱՐՏԵԶ
ԹԵԺ ԳԻԾ
30.07.2018 12:42
Տաք» հետքերով բացահայտվել է Հանրապետության տարածքում տեղի ունեցած երկու գողության և մեկ գողության փորձի դեպքերը
Հուլիսի 29-ին ժամը 17:00-ին Ստեփանակերտ քաղաքի բնակչուհի 1956թ. ծնված Ռ. Դ-ն(անհատ ձեռնարկատեր) դիմել է ոստիկանության Ստեփանակերտի քաղաքային վարչություն այն մասին, որ նույն օրը ժամը 14:00-ի սահմաններում Սասունցի Դավթի փողոցի թիվ 12 հասցեում տեղակայված կենտրոնական շուկայում գտնվող իր խանութից երկու անծանոթ երիտասարդ գաղտնի հափշտակել են դրամապանակը, որի մեջ առկա էր 13.000 դրամ գումար:
* * *
Հուլիսի 29-ին ժամը 17:05-ին Ստեփանակերտ քաղաքի բնակչուհի 1980թ. ծնված Ի. Բ-ն(անհատ ձեռնարկատեր) դիմել է ոստիկանության Ստեփանակերտի քաղաքային վարչություն այն մասին, որ նույն օրը ժամը 14:00-ի սահմաններում, Սասունցի Դավթի փողոցի թիվ 12 հասցեում տեղակայված կենտրոնական շուկայում գտնվող իր խանութում դրված պայուսակից, երկու անծանոթ երիտասարդ գաղտնի հափշտակել են 21.000 դրամ գումար:
* * *
Ոստիկանության Ստեփանակերտի քաղաքային վարչության պրոֆիլակտիկայի բաժնի ծառայողների կողմից ձեռնարկված միջոցառումների արդյունքում, նշված հանցագործություններ կատարելու կասկածանքով բերման են ենթարկվել ՀՀ Սյունիքի մարզի Ակներ գյուղի բնակիչներ 1997թ. ծնված Ա. Ա-ն և 1998թ. ծնված Լ. Հ-ն: Պարզվել է նաև, որ վերջիններս Ի.Բ-ի խանութից գողացել են 1 զույգ կոշիկ:
Գողոնն առգրավված է:
* * *
Հուլիսի 29-ին ժամը 13:20-ին Շահումյանի շրջանի Հավսաթաղ գյուղի բնակիչ 1966թ. ծնված Գ. Հ-ն, դիմել է ոստիկանության Շահումյանի շրջանային բաժին այն մասին, որ նույն օրը ժամը 11:30-ի սահմաններում Հավսաթաղ համայնքի վարչական տարածքում հայտնաբերել է իրեն պատկանող 1 գլուխ խոշոր եղջերավոր անասունը` մորթված վիճակում:
Ոստիկանության Շահումյանի շրջանային բաժնի քրեական հետախուզության ծառայողների կողմից ձեռնարկված միջոցառումներով նշված հանցագործությունը կատարելու կասկածանքով բերման են ենթարկվել ՀՀ Արմավիրի մարզի Սարդարապատ գյուղի բնակիչներ՝ 1995թ. ծնված Գ. Դ-ն, 1995թ. ծնված Ն. Ղ-ն, 1996թ. ծնված Կ. Մ-ն և 1998թ. ծնված Ա. Հ-ն, ովքեր նախնական համաձայնության գալով, գողություն կատարելու նպատակով ներկայացել են Հավսաթաղ համայնքի վարչական տարածք, որտեղ մորթել են Գ. Հ-ին պատկանող 1 գլուխ խոշոր եղջերավոր անասունը, սակայն իրենց կամքից անկախ հանգամանքներում հանցագործությունն ավարտին չեն հասցրել: