ԿԱՅՔԻ ՔԱՐՏԵԶ
ԹԵԺ ԳԻԾ
10.05.2014 12:50
Վրաերթ
Մայիսի 8-ին Հանրապետական բժշկական կենտրոնից ոստիկանության Ստեփանակերտի քաղվարչության հերթապահ մաս հաղորդում է ստացվել այն մասին, որ կրծքավանդակի սալջարդ վնասվածքով և ծնկների քերծվածքներով բուժօգնության է դիմել Իսակովի փողոցի թիվ 7 շենքի N բնակարանի բնակչուհի, 1951թ. ծնված Է. Ի-ն:
Պարզվել է, որ նույն օրը, ժամը 09:50-ի սահմաններում, Ազատամարտիկների փողոցի թիվ 56 շենքի N բնակարանի բնակիչ, 1984թ. ծնված Տ. Հ-ն, վարելով «Տիգո Չերի» մակնիշի ավտոմեքենան, Իսակովի փողոցի թիվ 4ա շենքի դիմացի մայթում վրաերթի է ենթարկել Է. Ի-ին:
***
Մայիսի 9-ին «Արևիկ» մանկական բուժմիավորում ՓԲԸ-ից ոստիկանության Ստեփանակերտի քաղվարչության հերթապահ մաս հաղորդում է ստացվել այն մասին, որ մարմնի տարբեր մասերի քերծվածքներով և ոտքի փակ կոտրվածքով իրենց մոտ է տեղափոխվել Շուշիի շրջանի Քարին տակ գյուղի բնակիչ, 2010թ. ծնված Տ. Հ-ն:
Պարզվել է, որ նույն օրը, ժամը 12:45-ի սահմաններում, Տիգրան Մեծի փողոցի թիվ 23ա շենքի N բնակարանի բնակիչ, 1994թ. ծնված Լ. Բ-ն, վարելով «ԳԱԶ-3110» ավտոմեքենան, Պարույր Սևակի փողոցի թիվ 43 տան մոտ վրաերթի է ենթարկել Տ. Հ-ին:
***
Մայիսի 9-ին Մարտակերտի շրջբուժմիավորումից ոստիկանության շրջբաժնի հերթապահ մաս հաղորդում է ստացվել այն մասին, որ ոտնաթաթի կոտրվածքով իրենց մոտ է տեղափոխվել Մ. Մաշտոցի փողոցի N տան բնակիչ, 1999թ. ծնված Ռ. Շ-ն:
Պարզվել է, որ նույն օրը, ժամը 18:00-ի սահմաններում, նշված փողոցի N տան բնակիչ, 1979թ. ծնված Ս. Մ-ն, վարելով «ՎԱԶ-21011» մակնիշի ավտոմեքենան, Ստեփանակերտ-Մարտակերտ ավտոճանապարհի 58-րդ կիլոմետրին վրաերթի է ենթարկել Ռ. Շ-ին:
