ԿԱՅՔԻ ՔԱՐՏԵԶ
ԹԵԺ ԳԻԾ
22.04.2020 11:36
Վիճաբանություն՝Քաշաթաղի շրջանում
Ապրիլի 21-ին ԱՀ ոստիկանության ծառայողը զեկուցագիր է ներկայացրել ԱՀ ոստիկանության Քաշաթաղի շրջանային բաժին այն մասին, որ նույն օրը ժամը 11:30-ի սահմաններում Բերձոր քաղաքում վիճաբանություն է առաջացել Քաշաթաղի շրջանի բնակիչներ՝ 2003թ. ծնված է. Օ.-ի և 1996թ. ծնված Ա. Հ.-ի միջև, որի ընթացքում Է. Օ.-ն մեկ անգամ գլխով հարվածել է Ա. Հ.-ի դեմքին, այնուհետև ժամը 12:00-ի սահմաններում վիճաբանությունը շարունակվել է Բերձոր քաղաքի Խաղաղության հրապարակում տեղակայված «Սակաֆե» կոչվող սրճարանի դիմաց մի կողմից՝ Քաշաթաղի շրջանի բնակիչներ, 2003թ. ծնված Ա. Հ.-ի, 2001թ. ծնված Ա. Հ.-ի, իսկ մյուս կողմից Է. Օ.-ի, 2004թ. ծնված Ա. Հ.-ի և 2003թ. ծնված Ա. Ա.-ի միջև որի ընթացքում կողմերը միմյանց հարվածներ են հասցրել և պատճառելով մարմնական վնասվածքներ:
Նշված անձանց տրվել են դատաբժշկի ուղեգրեր:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: