ԿԱՅՔԻ ՔԱՐՏԵԶ
ԹԵԺ ԳԻԾ
01.07.2020 12:12
Վիճաբանություն՝Քաշաթաղի շրջանում
Հունիսի 30-ին, ժամը 21:30-ին ԱՀ արտակարգ իրավիճակների պետական ծառայության Քաշաթաղի շրջանի ԱԻ բաժնից ոստիկանության Քաշաթաղի շրջանային բաժնի հերթապահ մաս ահազանգ է ստացվել այն մասին, որ մի խումբ անձինք վիճաբանության մեջ են մտել Որոտան-Տիգրանավան ավտոճանապարհի խաչմերուկում հերթապահություն իրականացնող ԱՀ արտակարգ իրավիճակների պետական ծառայության Քաշաթաղի շրջանի արտակարգ իրավիճակների բաժնի ծառայողների հետ և ծեծի ենթարկել նրանց։
Ստուգմամբ պարզվել է, որ հունիսի 30-ին, ժամը 21:30-ի սահմաններում Որոտան-Տիգրանավան ավտոճանապարհի խաչմերուկում, ՀՀ Սյունիքի մարզի Քարաշեն գյուղի բնակիչներ՝ 1978թ.ծնված Ս.Մ.-ն և 1987թ.ծնված Տ. Մ.-ն և ևս չորս անձինք (տվյալները ճշտվում են) վիճաբանության մեջ են մտել տեղում ծառայություն իրականացնող ԱՀ ԱԻՊԾ Քաշաթաղի շրջանի ԱԻ բաժնի հրշեջ, Քաշաթաղի շրջանի բնակիչ, 1976թ.ծնված Մ. Կ.-ի հետ, որի ընթացքում հայհոյանքներ հնչեցնելով հարվածներ են հասցրել վերջինիս՝ պատճառելով մարմնական վնասվածքներ։
Ս. Մ.-ն և Տ. Մ.-ն բերման են ենթարկվել ԱՀ ոստիկանության Քաշաթաղի շրջանային բաժին։
Նշանակվել է դատաբժշկական փորձաքննություն։
Ձեռնարկվում են միջոցառումներ նշված 4 անձանց ինքնությունը պարզելու և բերման ենթարկելու ուղղությամբ։
Ստուգմամբ զբաղվում է ԱՀ ոստիկանության Քաշաթաղի շրջանային բաժինը:
