ԿԱՅՔԻ ՔԱՐՏԵԶ
ԹԵԺ ԳԻԾ
05.05.2020 11:47
Վիճաբանություն՝Հադրութի շրջանում
Մայիսի 4-ին Հադրութի շրջբուժմիավորումից հաղորդում է ստացվել ԱՀ ոստիկանության Հադրութի շրջանային բաժին այն մասին, որ ժամը 02:35-ին կանչով մեկնած շտապօգնության խումբը բուժօգնություն է ցուցաբերել Հադրութ քաղաքի բնակիչ, 1990թ. ծնված Գ. Խ.-ին կրծքավանդակի ձախակողմյա հատվածի ծակած վերք, ձախից 4-րդ կողի բաց կոտրվածք վնասվածքներով:
ԱՀ ոստիկանության ծառայողը պարզել է, որ նույն օրը ժամը 00:25-ի սահմաններում Հադրութ քաղաքի Սառնաղբյուր փողոցում վիճաբանություն է առաջացել Գ. Խ.-ի և Հադրութ քաղաքի բնակիչ, 1966թ. ծնված Ա. Ա.-ի միջև, որի ընթացքում վերջինս խոհանոցային դանակով մեկ անգամ հարվածել է Գ. Խ.-ի կրծքավանդակի ձախակողմյա հատվածին, իսկ Գ. Խ.-ն մի քանի անգամ բռունցքով հարվածներ է հասցրել Ա. Ա.-ի դեմքին:
Նշված անձանց տրվել են դատաբժշկի ուղեգրեր:
Ա. Ա.-ն բերման է ենթարկվել ԱՀ ոստիկանության Հադրութի շրջանային բաժին:
Ստուգմամբ զբաղվում է ԱՀ ոստիկանության Հադրութի շրջանային բաժինը: