ԿԱՅՔԻ ՔԱՐՏԵԶ
ԹԵԺ ԳԻԾ
03.03.2020 12:08
Վիճաբանություն՝ Քաշաթաղի շրջանում
Մարտի 1-ին ՀՀ ոստիկանության Երևան քաղաքի վարչության օպերատիվ կառավարման կենտրոնից հաղորդում է ստացվել ԱՀ ոստիկանության Քաշաթաղի շրջանային բաժին առ այն, որ Քաշաթաղի շրջանի բնակչուհի, 1954թ. ծնված Ռ. Կ.-ն հեռախոսով հաղորդել է այն մասին, որ իր դստերը՝ Լ.Կ.-ին և նրա երեխային հարևանը ծեծել է:
ԱՀ ոստիկանության ծառայողը պարզել է, որ նույն օրը ժամը 18:30-ի սահմաններում Քաշաթաղի շրջանի Աղավնատուն գյուղի աղբյուրի մոտ նույն շրջանի բնակիչներ՝ 1986թ. ծնված Մ. Հ.-ի և 1979թ. ծնված Լ. Կ.-ի միջև վիճաբանություն է առաջացել, որի ընթացքում Մ. Հ.-ն փայտով և ձեռքով հարվածներ է հասցրել Լ. Կ.-ի մարմնի տարբեր մասերին, իսկ վերջինս մեկ անգամ ձեռքով հարվածել է Մ. Հ.-ին, ինչի հետևանքով միմյանց պատճառել են մարմնական վնասվածքներ:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: