ԿԱՅՔԻ ՔԱՐՏԵԶ
ԹԵԺ ԳԻԾ
22.02.2020 11:33
Վիճաբանություն՝ Հադրութի շրջանում
Փետրվարի 20-ին Մեխակավանի զինհոսպիտալից հաղորդում է ստացվել ԱՀ ոստիկանության Հադրութի շրջանային բաժին առ այն, որ նույն օրը ժամը 18:50-ին տարբեր մարմնական վնասվածքներով և գանգուղեղային տրավմա ախտորոշմամբ իրենց մոտ է ընդունվել Քաշաթաղի շրջանի բնակիչ, 1980թ. ծնված Խ. Թ.-ն:
ԱՀ ոստիկանության ծառայողները պարզել են, որ Խ. Թ.-ն նշված մարմնական վնասվածքը ստացել է փետրվարի 19-ին ժամը 17:30-ի սահմաններում Հադրութի շրջանի «Իմամբակի» կոչվող տեղամասում ՀՀ Սյունիքի մարզի բնակիչ, 1995թ. ծնված Ա. Շ.-ի հետ առաջացած վիճաբանության ընթացքում վերջինիս կողմից Խ. Թ.-ի դեմքին ձեռքով մեկ անգամ հարվածելու և գետնին գցելու հետևանքով։
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Հադրութի շրջանային բաժինը: