ԿԱՅՔԻ ՔԱՐՏԵԶ
ԹԵԺ ԳԻԾ
14.06.2014 12:48
Վիճաբանություն` մարմնական վնասվածքներով
Հունիսի 13-ին շրջհիվանդանոցից ոստիկանության Մարտունու շրջբաժին հաղորդում է ստացվել այն մասին, որ հոնքի սալջարդ վերքով բուժօգնության է դիմել Ստեփանակերտ քաղաքի Բեկզադյան փողոցի N տան բնակիչ, 1984թ. ծնված Ա. Ա-ն:
Պարզվել է, որ նույն օրը, ժամը 23:00-ի սահմաններում, Վարանդա գյուղի մոտակայքում վիճաբանության ընթացքում Մարտունի քաղաքի Մ. Մելքոնյան փողոցի N տան բնակիչ, 1986թ. ծնված Ա. Պ-ն և Ազատամարտիկների փողոցի N տան բնակիչ, 1993թ. ծնված Մ. Խ-ն ձեռքով հարվածներ են հասցրել Ա. Ա-ին:
***
Հունիսի 12-ին Շահումյանի շրջանի Զուար գյուղի բնակչուհի, 1964թ. ծնված Հ. Կ-ն ոստիկանության շրջբաժին է հայտնել այն մասին, որ համագյուղացի Ա. Հ-ն վիճաբանել է իր որդու հետ:
Պարզվել է, որ նույն օրը, ժամը 10:00-ից մինչև 11:30-ն ընկած ժամանակահատվածում, Հավսաթաղ և Զուար գյուղերի միջև տեղակայված «Գերեզմանոց» կոչվող տեղամասում 1979թ. ծնված Ա. Հ-ն վիճաբանության ժամանակ մեկ անգամ հարվածել է համագյուղացի` 1980թ. ծնված Գ. Կ-ի կրծքավանդակին:
Գ. Կ-ին տրվել է դատաբժշկի ուղեգիր:
***
Հունիսի 13-ին Մարտակերտ քաղաքի Ն. Դանիելյան փողոցի N տան բնակչուհի, 1983թ. ծնված Դ. Գ-ն ոստիկանության շրջբաժին է դիմել այն մասին, որ հունիսի 12-ին, ժամը 19:30-ի սահմաններում, «Գրիշա Գյուրջյան» հանրային սննդի օբյեկտում վիճաբանություն է առաջացել իր և Սախարովի փողոցի թիվ 4 շենքի N բնակարանի բնակիչ, 1983թ. ծնված Մ. Մ-ի միջև, որի ընթացքում վերջինս հրել է իրեն:
Դ. Գ-ին տրվել է դատաբժշկի ուղեգիր:
