ԿԱՅՔԻ ՔԱՐՏԵԶ
ԹԵԺ ԳԻԾ
20.08.2019 12:48
ՎԻՃԱԲԱՆՈՒԹՅԱՆ ԸՆԹԱՑՔԸ ԿԱՆԽՎԵԼ Է ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ԱՉԱԼՐՋՈՒԹՅԱՆ ՇՆՈՐՀԻՎ
Ս.թ.օգոստոսի 20-ին ԱՀ ոստիկանության Ստեփանակերտ քաղաքի պարեկապահակետային գումարտակի ծառայողները նույն օրը ժամը 00:15-ի սահմաններում, Ստեփանակերտ քաղաքի Պարսեղովի 2 հասցեում տեղակայված «Նադեժդա» հանդիսությունների սրահի մոտակայքից, անսթափ վիճակում վիճաբանություն ստեղծելու կասկածանքով ԱՀ ոստիկանության Ստեփանակերտ քաղաքի վարչություն են բերման ենթարկել մայրաքաղաքի բնակիչներ՝ 1989թ.ծնված Դ. Մ-ին, 1992թ.ծնված Ռ. Ա.-ին և 1981թ.ծնված Կ. Ի-ին:
Ոստիկանության ծառայողները պարզել են, որ ս.թ. օգոստոսի 19-ին ժամը 23:40-ի սահմաններում, «Նադեժդա» հանդիսությունների սրահի մոտ վիճաբանություն է առաջացել մի կողմից Ռ. Ա-ի, Կ. Ի-ի, իսկ մյուս կողմից Դ. Մ-ի միջև, որի ընթացքում կողմերը փոխադարձ հարվածներ են հասցրել միմյանց` պատճառելով մարմնական վնասվածքներ:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: