ԿԱՅՔԻ ՔԱՐՏԵԶ
ԹԵԺ ԳԻԾ
18.07.2020 13:51
Վիճաբանության դեպքեր՝ Ասկերանի շրջանում
Հուլիսի 17-ին Ասկերանի շրջանի բնակչուհի, 1970թ.ծնված Ս. Ա.-ն դիմել է ԱՀ ոստիկանության Ասկերանի շրջանային բաժին այն մասին, որ նույն օրը ժամը 15:50-ի սահմաններում, Ասկերան քաղաքի «Արցախփոստ» ՓԲԸ մասնաշենքի դիմաց իր խնամի` 1969թ.ծնված Ա. Ծ.-ից Ասկերան քաղաքի բնակիչ, 1969թ.ծնված Գ. Գ.-ն պարտքը հետ ստանալու նպատակով վիճաբանության մեջ է մտել իր հետ, որի ընթացքում վերջինս քաշքշել է իրեն, ճանկռել դեմքը ու գցել գետնին, վնասելով նաև իրեն պատկանող «Սամսունգ G-2» մոդելի բջջային հեռախոսը:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
Հուլիսի 17-ին Ասկերան քաղաքի բնակիչ,1969թ.ծնված Գ. Գ.-ն դիմել է ԱՀ ոստիկանության Ասկերանի շրջանային բաժին այն մասին, որ նույն օրը ժամը 15:50-ի սահմաններում, Ասկերան քաղաքի «Արցախփոստ» ՓԲԸ մասնաշենքի դիմաց Ասկերանի շրջանի բնակչուհի, 1969թ.ծնված Ա. Ծ.-ից պարտքը հետ ստանալու նպատակով վիճաբանություն է առաջացել իր և վերջինիս խնամի՝ նույն շրջանի բնակչուհի,1970թ.ծնված Ս. Ա.-ի միջև, որի ընթացքում վերջինս քաշքշել է իրեն ու գցել գետնին, իսկ Ս. Ա.-ի որդին`1992թ.ծնված Ա. Ա.-ն մեկ անգամ հարվածել է իր ուսին:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
Հուլիսի 17-ին Ասկերան քաղաքի բնակչուհի, 1998թ.ծնված Ռ. Ս.-ն հեռախոսով հաղորդել է ԱՀ ոստիկանության Ասկերանի շրջանային բաժին այն մասին, որ Այգեստան գյուղի վարչական տարածքում գտնվող հանգստյան գոտում վիճաբանություն է տեղի ունենում։
Ստուգմամբ պարզվել է, որ նույն օրը ժամը 20:00-ի սահմաններում Այգեստան գյուղի վարչական տարածքում տեղակայված «Մախմուրյան Սոնյա» հանգստյան գոտում վիճաբանություն է առաջացել Ռ. Ս.-ի և Ստեփանակերտ քաղաքի բնակիչ, 1988թ.ծնված Վ. Բ.-ի միջև, որի ընթացքում վերջինս երկու անգամ ձեռքով հարվածել է Ռ. Ս.-ի դեմքին՝ պատճառելով մարմնական վնասվածք:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
