Վիճաբանության դեպքեր

Հուլիսի 12-ին վիճաբանություն է առաջացել Ստեփանակերտ քաղաքի Գարեգին Սևունցի փողոցի N տան բնակիչ, 1942թ. ծնված Ա. Ա-ի և եղբայրներ` նշված փողոցի N տան բնակիչներ, 1981թ. ծնված Ս. Մ-ի և 1984թ. ծնված Ս. Մ-ի միջև, որի ընթացքում կողմերը փոխադարձ հարվածներ են հասցրել միմյանց:

Ա. Ա-ն և եղբայրները բերման են ենթարկվել ոստիկանության քաղվարչություն:

Նշված անձանց տրվել են դատաբժշկի ուղեգրեր:

****

Հուլիսի 14-ին Ստեփանակերտ քաղաքի Բաղրամյան փողոցի թիվ 3 հասցեում տեղակայված «Կամուրջ» ռեստորանային համալիրի մոտ վիճաբանություն է առաջացել Տեր-Գաբրիելյան փողոցի N տան բնակիչ, 1992թ. ծնված Զ. Ս-ի, 1989թ. ծնված Ա. Գ-ի (բն. է Տեր-Գաբրիելյան փ.), մյուս կոմից Վաղարշյան փողոցի թիվ 50 շենքի N բնակարանի բնակիչ, 1988թ. ծնված Ա. Հ-ի, Ասկերանի շրջանի Քռասնի գյուղի բնակիչ, 1984թ. ծնված Ա. Ա-ի միջև, որի ընթացքում կողմերը հարվածներ են հասցրել միմյանց:

Նշված անձինք բերման են ենթարկվել ոստիկանության քաղվարչություն:

****

Հուլիսի 13-ին շրջբուժմիավորումից ոստիկանության Ասկերանի շրջբաժին հաղորդում է ստացվել այն մասին, որ գանգուղեղային վնասվածքով շտապ բուժօգնության մեքենայով «Հանրապետական բժշկական կենտրոն» ՓԲ ընկերություն է տեղափոխվել Աստղաշեն գյուղի բնակիչ, 1957թ. ծնված Վ. Հ-ն:

Պարզվել է, որ Վ. Հ-ն վնասվածքը ստացել է նույն օրը՝ ժամը 18:45-ի սահմաններում, գյուղում համագյուղացի, 1932թ. ծնված Յու. Գ-ի հետ առաջացած վիճաբանության ժամանակ` վերջինիս կողմից մահակով գլխին հարվածելու հետևանքով:

****

Հուլիսի 11-ին Մարտակերտի շրջանի Առաջաձոր գյուղի բնակիչ, 1979թ. ծնված Վ. Ա-ն ոստիկանության շրջբաժին է դիմել այն մասին, որ տան բակում վիճաբանության ժամանակ իր ձեռքին ու ոտքին հարվածել են և մարմնական վնասվածքներ պատճառել համագյուղացիներ` 1963թ. ծնված Մ. Ա-ն, 1977թ. ծնված Ա. Ա-ն և 1979թ. ծնված Ս. Ա-ն:

Նշված անձանց տրվել են դատաբժշկի ուղեգրեր:

****

Հուլիսի 11-ին Մարտակերտի շրջանի Չլդրան գյուղի բնակիչ, 1976թ. ծնված Վ. Ղ-ն և 1976թ. ծնված Ս. Մ-ն (բն. է նույն գյուղում) ծեծի են ենթարկել Մարտակերտ քաղաքի Ազատամարտիկների փողոցի N տան բնակչուհի, 1984թ. ծնված Լ. Մ-ին, նրա դուստր՝ 2002թ. ծնված Ա. Մ-ին, Բյուզանց փողոցի N տան բնակիչ, 1977թ. ծնված Վ. Ա-ին և 1976թ. ծնված Գ. Ս-ին (բն. է ՀՀ ք. Երևան)՝ պատճառելով մարմնական վնասվածքներ:

Նշված անձանց տրվել են դատաբժշկի ուղեգրեր:

****

Հուլիսի 13-ին Մարտունու շրջանի Ճարտար քաղաքի բնակիչ, 1967թ. ծնված Գ. Պ-ն ոստիկանության շրջբաժին է դիմել այն մասին, որ նշված քաղաքի բնակիչներ` 1992թ. ծնված Ն. Հ-ն և 1991թ. ծնված Լ. Գ-ն, ներկայանալով իրենց տան բակ, վիճաբանության մեջ են մտել իր հետ, որի ընթացքում հարվածներ են հասցրել իրեն և կնոջը` 1973թ. ծնված Գ. Պ-ին` պատճառելով մարմնական վնասվածքներ:

****

Հուլիսի 13-ին Մարտունու շրջանի Կոլխոզաշեն գյուղի բնակիչ, 1953թ. ծնված Ռ. Բ-ն ոստիկանության շրջբաժին է դիմել այն մասին, որ գյուղում որդին` 1978թ. ծնված Դ. Բ-ն, վիճաբանության մեջ է մտել իր և ընտանիքի անդամների հետ, որի ընթացքում հարվածներ հասցնելով՝ պատճառել է մարմնական վնասվացքներ: