ԿԱՅՔԻ ՔԱՐՏԵԶ
ԹԵԺ ԳԻԾ
28.11.2019 11:42
Ջարդել է դպրոցի մուտքի դուռը և գողացել դասալսումների մատյանը
Նոյեմբերի 27-ին Հադրութի շրջանի բնակիչ, 1976թ.ծնված Վ. Բ.-ն հաղորդել է ԱՀ ոստիկանության Հադրութի շրջանային բաժին առ այն, որ անհայտ անձը ջարդել է Տումի գյուղի դպրոցի գլխավոր մուտքի դուռը:
Ոստիկանության ծառայողները պարզել են, որ նոյեմբերի 26-ին ժամը 15:15-ից մինչև նոյեմբերի 27-ի ժամը 09:30-ն ընկած ժամանակահատվածում անհայտ անձը երկաթյա ձողով (լոմով) ջարդելով դպրոցի մուտքի դուռը ապօրինի մուտք է գործել ներս և բարձրացել շենքի 2-րդ հարկ, որտեղ մոտենալով ուսուցչանոցի մոտ ջարդել է ուսուցչանոցի մուտքի դռան փականը, այնուհետև մոտենալով դպրոցի տնօրենի աշխատասենյակին ջարդել է դռան փականը, որից հետո մուտք գործելով նշված սենյակ գողացել է սեղանին դրված դասալսումների մատյանը:
Վնասի չափը պարզվում է:
Ստուգմամբ զբաղվում է ԱՀ ոստիկանության Հադրութի շրջանային բաժինը: