ԿԱՅՔԻ ՔԱՐՏԵԶ
ԹԵԺ ԳԻԾ
12.04.2018 17:27
Պարգևատրումներ Հայաստանի Հանրապետության ոստիկանության 100-րդ տարեդարձի կապակցությամբ
Օրինականության ամրապնդման¸ Հայաստանի Հանրապետության և Արցախի Հանրապետության ոստիկանությունների միջև համագործակցության ապահովման գործում զգալի ավանդ ներդնելու համար¸ ինչպես նաև ի նշանավորումն Հայաստանի Հանրապետության ոստիկանության 100-րդ տարեդարձի՝ Հայաստանի Հանրապետության ոստիկանության պետ¸ ոստիկանության գեներալ-գնդապետ Վլադիմիր Գասպարյանի հրամանով Արցախի Հանրապետության ոստիկանության պետ¸ գեներալ-մայոր Կամո Աղաջանյանը պարգևատրվել է «Ոստիկանության 100-ամյակ» հոբելյանական մեդալով։
Հայաստանի Հանրապետության ոստիկանության պետի հրամանների համաձայն «Ոստիկանության 100-ամյակ» հոբելյանական մեդալով պարգևատրվել են նաև Արցախի Հանրապետության ոստիկանության պետի տեղակալները¸ վարչությունների պետերը¸ ոստիկանության Շահումյանի շրջբաժնի պետը և Հայաստանի Հանրապետությունում Արցախի Հանրապետության ոստիկանության ներկայացուցիչը։
Սույն թվականի ապրիլի 12-ին Արցախի Հանրապետության ոստիկանության պետ¸ գեներալ-մայոր Կամո Աղաջանյանը, շնորհավորելով պարգևատրվածներին և հանդիսավորությամբ նրանց հանձնելով մեդալները¸ համոզմունք հայտնեց¸ որ այսուհետ ավելի կամրապնդվի երկու հայկական Հանրապետությունների ոստիկանությունների միջև համագործակցությունը՝ ի շահ մեր պետականության և ի բարօրություն մեր ժողովրդի խաղաղ ու անվտանգ կենսագործունեության։