ԿԱՅՔԻ ՔԱՐՏԵԶ
ԹԵԺ ԳԻԾ
09.07.2016 12:29
Պատահարներ մայրաքաղաքում և շրջաններում
Հուլիսի 8-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչությունում հաղորդում է ստացվել այն մասին, որ մարմնական վնասվածքներով իրենց մոտ է տեղափոխվել Սահյան փողոցի N տան բնակչուհի, 1961թ. ծնված Ս. Ա-ն:
Պարզվել է, որ նույն օրը՝ ժամը 16:20-ի սահմաններում, Մկրտչյան փողոցի թիվ 4ա շենքի N բնակարանի բնակիչ, 1995թ. ծնված Գ. Ն-ն, վարելով «ՎԱԶ-21104» մակնիշի ավտոմեքենան, Ենիկոլոպովի փողոցի թիվ 7 հասցեում տեղակայված խանութի դիմացի ճանապարհահատվածում վրաերթի է ենթարկել Ս. Ա-ին:
*****
Հուլիսի 8-ին՝ ժամը 11:45-ի սահմաններում, Ասկերանի շրջանի Ջրաղացներ գյուղի բնակիչ, 1962թ. ծնված Ս. Գ-ն, վարելով «ՎԱԶ 21213» մակնիշի ավտոմեքենան, Սղնախ-Ավետարանոց ավտոճանապարհի 3-րդ կիլոմետրին դուրս է եկել ճանապարհի երթևեկելի մասից, բախվել ճամփեզրին առկա ծառերին, ինչի հետևանքով ստացած վնասվածքներով տեղափոխվել է Ստեփանակերտի զինվորական հոսպիտալ:
*****
Հուլիսի 7-ին՝ ժամը 21:00-ի սահմաններում, Քաշաթաղի շրջանի Գանձա գյուղի բնակիչ, 1983թ. ծնված Կ. Պ-ն, վարելով «Միցուբիշի Պաջերո» մակնիշի ավտոմեքենան, դուրս է եկել ճանապարհի երթևեկելի մասից, կողաշրջվել ու բախվել ճամփեզրի ծառերին, ինչի հետևանքով ստացած մարմնական վնասվածքներով տեղափոխվել է շրջանային բուժմիավորում: