ԿԱՅՔԻ ՔԱՐՏԵԶ
ԹԵԺ ԳԻԾ
27.10.2015 18:00
Պաշտոնեական անփութության հետևանքով հափշտակվել է առանձնապես խոշոր չափերի հասնող գումար
01.07.2011թ. «Սֆինկս» ՓԲ ընկերության և Ստեփանակերտի զարգացման հիմնադրամի միջև կնքված Ստեփանակերտ քաղաքի ջրամատակարարման համակարգի 6-րդ գոտու 3-րդ մասի ջրամատակարարման ցանցի կառուցման պայմանագրի շրջանակում, «Սֆինկս» ՓԲ ընկերության կողմից ջրաբաշխիչ հորերից մինչև առանձնատները խողովակաշարի անցկացման աշխատանքների կատարման ընթացքում, շահադիտական շարժառիթով կատարողական ակտերում ակնհայտ կեղծ տեղեկություններ են ներկայացվել, իսկ Ստեփանակերտի զարգացման հիմնադրամի ու վերահսկողություն կատարելու պարտականությամբ օժտված «Ստեփանակերտի ներդրումային ծրագրերի իրականացման գրասենյակ» ՊՈԱԿ տնօրինության կողմից ստանձնած տեխնիկակական հսկողություն իրականացնելու պարտականությունները ոչ պատշաճ և անփութորեն են կատարվել, ինչի արդյունքում «Սֆինկս» ՓԲԸ-ն Ստեփանակերտի զարգացման հիմնադրամից ստացել ու հափշտակել է ընդհանուր 20.934.630 դրամ գումար:
06.06.2011թ. «Ադրիանա» ՓԲ ընկերության և Ստեփանակերտի զարգացման հիմնադրամի միջև կնքված Ստեփանակերտ քաղաքի ջրամատակարարման համակարգի 9-րդ գոտու 4-րդ մասի ջրամատակարարման ցանցի կառուցման պայմանագրի շրջանակում, «Ադրիանա» ՓԲ ընկերության կողմից ջրաբաշխիչ հորերից մինչև առանձնատները խողովակաշարի անցկացման աշխատանքների կատարման ընթացքում, շահադիտական շարժառիթով կատարողական ակտերում ակնհայտ կեղծ տեղեկություններ են ներկայացվել, իսկ Ստեփանակերտի զարգացման հիմնադրամի ու վերահսկողություն կատարելու պարտականությամբ օժտված «Ստեփանակերտի ներդրումային ծրագրերի իրականացման գրասենյակ» ՊՈԱԿ տնօրինության կողմից ստանձնած տեխնիկակական հսկողություն իրականացնելու պարտականությունները ոչ պատշաճ և անփութորեն են կատարվել, ինչի արդյունքում «Ադրիանա» ՓԲԸ-ն Ստեփանակերտի զարգացման հիմնադրամից ստացել ու հափշտակել է ընդհանուր 16.639.800 դրամ գումար:
Նշված փաստերի կապակցությամբ ս.թ. հոկտեմբերի 22-ին ԼՂՀ Գլխավոր դատախազությունում հարուցվել է քրեական գործ՝ նախատեսված ԼՂՀ քր. օր-ի 184-րդ և 334-րդ հոդվածների հատկանիշներով: