ԿԱՅՔԻ ՔԱՐՏԵԶ
ԹԵԺ ԳԻԾ
15.07.2020 14:06
Չի թույլատրել վերցնել իրեն պատկանող գույքը
Հուլիսի 14-ին ԱՀ ոստիկանության պետի աշխատակազմից ԱՀ ոստիկանության Ստեփանակերտ քաղաքի վարչություն է ստացվել ՀՀ Արարատի մարզի բնակիչ, 1987թ.ծնված Ա. Հ.- ի հաղորդումն այն մասին, որ 2020թ. հունվար ամսից պարբերաբար ժամանելով ք. Ստեփանակերտ, վարձով բնակվել է Ա. Առաքելյան փողոցի թիվ 9 հասցեում տեղակայված «Թագուհի» հանդիսությունների սրահում առկա հյուրատանը և ամեն անգամ ժամանելուց իր հետ տարբեր տեսակի ապրանքներ է բերել ու թողել սենյակում, ապրանքների կեսը հուլիսի 8-ին տարել է, իսկ հուլիսի 9-ին մնացած 500.000 դրամ գումարի ապրանքները տանելու համար կրկին ժամանել է նշված հյուրատուն, սակայն տնօրեն՝ Հ. Ղ.-ն (տվյալները ճշտվում են) առանց հստակեցնելու, գումարային պահանջներ է ներկայացրել, ինչպես նաև իր իրական կամ ենթադրյալ իրավունքներն ինքնակամ իրականացնելով, փակել է սենյակի դուռը, չթույլատրելով վերցնել իրեն պատկանող գույքը:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: