ԿԱՅՔԻ ՔԱՐՏԵԶ
ԹԵԺ ԳԻԾ
24.03.2016 16:00
Ուսումնավարժություն՝ միտված ռազմական դրության ժամանակ բնակչության պաշտպանության միջոցառումների կազմակերպման ունակությունները կատարելագործելուն
ԼՂՀ ոստիկանության պետի 2016թ. փետրվարի 23-ի հրամանի համաձայն՝ սույն թվականի մարտի 23-ին «Քաղաքացիական պաշտպանության միջոցառումների կազմակերպման» թեմայով ԼՂՀ ոստիկանությունում անցկացվել է շտաբային ուսումնավարժություն, որի ղեկավարումը հանձնարարված էր ԼՂՀ ոստիկանության պետի տեղակալ-շտաբի պետ, ոստիկանության գնդապետ Բորիս Ենգիբարյանին։
Ուսումնավարժության նպատակն է ստուգել ԼՂՀ ոստիկանության քաղաքացիական պաշտպանության հասարակական կարգի պահպանության հանրապետական ծառայության շտաբի ղեկավար կազմի և տարածքային ստորաբաժանումների պատրաստականությունը, ինչպես նաև կատարելագործել ԼՂՀ ոստիկանության քաղաքացիական պաշտպանության հասարակական կարգի պահպանության ծառայության անձնակազմի ունակություններն ու հմտությունները ռազմական դրության ժամանակ բնակչության պաշտպանության միջոցառումների կազմակերպման ու իրականացման ընթացքում:
Ուսումնավարժությանն ընդգրկված էին՝ ԼՂՀ ոստիկանության քաղաքացիական պաշտպանության հասարակական կարգի պահպանության հանրապետական ծառայության շտաբի ղեկավար կազմը, ԼՂՀ ոստիկանության կենտրոնական ապարատը և մի շարք տարածքային ստորաբաժանումներ:
Ուսումնավարժութան բոլոր 3 փուլերի ընթացքը զարգացել է ըստ սահմանված իրավական ակտերի, հաստատված պլանների և տրված օպերատիվ առաջադրանքների։
ԼՂՀ ոստիկանության քաղաքացիական պաշտպանության հասարակական կարգի պահպանության ծառայությանը ամբողջությամբ հաջողվել է իրականացնել իր առջև դրված խնդիրները։
Ուսումնավարժության ողջ ընթացքում պատահարներ կամ արտառոց դեպքեր չեն գրանցվել։
 |
 |
 |
 |
 |
 |
 |
 |
