ԿԱՅՔԻ ՔԱՐՏԵԶ
ԹԵԺ ԳԻԾ
12.09.2020 12:21
Ոստիկանության պետն ընդունել է Մեսրոպ Մաշտոցի անվան Մատենադարանի տնօրեն Վահան Տեր-Ղևոնդյանի գլխավորած պատվիրակությանը
Այսօր ԱՀ ոստիկանության պետ, գեներալ-մայոր Աշոտ Հակոբջանյանն ընդունել է պաշտոնական այցով Արցախում գտնվող Երևանի Մեսրոպ Մաշտոցի անվան Մատենադարանի տնօրեն Վահան Տեր-Ղևոնդյանի գլխավորած պատվիրակությանը: Այս տարի լրանում է Մատենադարան-Գանձասար գիտամշակութային կենտրոնի հիմնադրման 5-ամյակը: Այդ կապակցությամբ Երևանի Մատենադարանի տնօրենն ընդգծել է, որ ոստիկանության հետ համագործակցությունը բարձր մակարդակի վրա է, ոստիկանության հերթապահությունը Մատենադարան-Գանձասարում ծառայում է իր նպատակին: Ոստիկանության պետը շնորհավորել է Մատենադարանի պատվիրակությանը Մատենադարան-Գանձասար կենտրոնի հիմնադրման 5-ամյակի կապակցությամբ և նշել, որ համագործակցությունը շարունակական է լինելու: Հանդիպմանը մասնակցում էին նաև Մատենադարան-Գանձասար գիտամշակութային կենտրոնի տնօրեն Արամ Թորոսյանը եւ «Մաշտոց» հայ մշակույթի պահպանման և զարգացման հիմնադրամի տնօրեն Վարդի Քեշիշյանը: