ԿԱՅՔԻ ՔԱՐՏԵԶ
ԹԵԺ ԳԻԾ
25.07.2019 11:50
ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ԿՈՂՄԻՑ ՀԱՅՏՆԱԲԵՐՎԵԼ ԵՆ ԿԱՆԵՓԱՆՄԱՆ ԲՈՒՅՍԵՐ
Ս.թ.հուլիսի 24-ին ժամը 19:30-ի սահմաններում ԱՀ ոստիկանության քրեական հետախուզության վարչության ծառայողների կողմից զննության է ենթարկվել Ստեփանակերտ քաղաքի բնակիչ,1973թ.ծնված Ա. Հ-ին առանձնատունը՝ որտեղ առաջին հարկի սենյակի պահարանի վրա հայտնաբերվել է թիթեղյա տարա, որի մեջ առկա էր 0.81 գրամ քաշով չորացված ու մանրացված կանեփանման զանգված, իսկ 2-րդ հարկի կիսակառույց պատշգամբում հայտնաբերվել է պլաստմասե տարա, որում առկա էր 45 գրամ ընդհանուր քաշով թվով 18 կանեփանման բույսի ցողուններ, 230 գրամ քաշով խոշոր մանրացված կանեփանման բույսի զանգված և տարրաներում մշակված ու աճեցված թվով 37 կանեփանման բույսեր:
Ստուգմամբ զբաղվում է ԱՀ ոստիկանության քրեական հետախուզության վարչությունը:
Եվս մեկ անգամ հիշեցնում ենք օրենսդրությամբ սահմանված բացառիկ հնարավորության մասին՝ համաձայն որի, թմրամիջոցներ կամ հոգեմետ (հոգեներգործուն) նյութեր, դրանց պրեկուրսորներ, ինչպես նաև խիստ ներգործող կամ թունավոր նյութեր կամովին հանձնող անձն ազատվում է դրանք ապօրինի պատրաստելու, վերամշակելու, ձեռք բերելու, փոխադրելու կամ առաքելու համար նախատեսված քրեական պատասխանատվությունից։
Նմանատիպ բուսատեսակներ կամ նյութեր ապօրինի պահող անձանց առաջարկում ենք չհետաձել չարիքից օր առաջ ազատվելու հնարավորությունը՝ այդ կերպ երաշխավորելով ինչպես ձեր կյանքն ու առողջությունը, այնպես էլ օրենքի հետ խնդիրներ ունենալու անխուսափելի հատուցումը։
