ԿԱՅՔԻ ՔԱՐՏԵԶ
ԹԵԺ ԳԻԾ
13.07.2019 11:40
Ոստիկանների օպերատիվ աշխատանքի արդյունքում կանխվեց շարունակվող վիճաբանության հնարավոր հետևանքները
Ս.թ.հուլիսի 13-ին ԱՀ ոստիկանության Ստեփանակերտ քաղաքի վարչության ծառայողները պարզել են, որ ս.թ.հուլիսի 11-ին ժամը 20:00-ի սահմաններում Հադրութի շրջանի գյուղերից մեկում վիճաբանություն է առաջացել մի կողմից`Ստեփանակերտ քաղաքի բնակիչ, 1986թ.ծնված Ռ. Ս-ի, իսկ մյուս կողմից մայրաքաղաքի բնակիչ, 1981թ.ծնված Ա.Հ-ի միջև, այնուհետև հուլիսի 12-ին ժամը 16:00-ի սահմաններում վերջիններս պատահական իրար հանդիպել են Հադրութի շրջանի «Թութակ» կոչվող տեղանքի մոտ առկա աղբյուրում, որտեղ կրկին վիճաբանություն է առաջացել մի կողմից՝ Ռ. Ս-ի, իսկ մյուս կողմից՝ Ա.Հ-ի և Ստեփանակերտ քաղաքի բնակիչ, 1988թ.ծնված Դ. Ա-ի միջև, որից հետո նույն օրը ժամը 22:30-ի սահմաններում, Մարտունու շրջանի Կարմիր Շուկա գյուղի տարածքում վիճաբանություն է տեղի ունեցել մի կողմից` Ռ. Ս-ի, Ստեփանակերտ քաղաքի բնակիչներ՝ 1989թ.ծնված Գ. Օ-ի և 1987թ.ծնված Մ. Բ-ի, իսկ մյուս կողմից՝ Դ. Ա-ի, Ա.Հ-ի և Ն. Հ-ի միջև, որի ընթացքում կողմերը փոխադարձ հարվածներ են հասցրել միմյանց՝ պատճառելով մարմնական վնասվածքներ:
Նշանակվել է դատաբժշկական փորձաքննություն:
Նախապատրաստվում են նյութեր ըստ տարածքային ենթակայության ուղարկելու համար: