ԿԱՅՔԻ ՔԱՐՏԵԶ
ԹԵԺ ԳԻԾ
14.03.2016 18:48
Նոր լուսացուցային օբյեկտ՝ մայրաքաղաքի Կամոյի և Սարոյան փողոցների խաչմերուկում
Մայրաքաղաք Ստեփանակերտի բանուկ խաչմերուկներում հնարավոր ճանապարհատրանսպորտային պատահարները կանխարգելելու, ինչպես նաև երթևեկությունը առավել արդյունավետ կարգավորելու նպատակով ԼՂՀ ոստիկանության ճանապարհային ոստիկանության ճանապարհապարեկային ծառայության բաժնի ավագ տեսուչ-ինժեները քաղաքապետարանի զարգացման ծրագրերի բաժնի աշխատողների հետ համատեղ համապատասխան հետազոտություն անցկացնելուց հետո եզրահանգել և միջնորդել է Ստեփանակերտի քաղաքապետարանին՝ մայրաքաղաքի Կամոյի և Սարոյան փողոցների խաչմերուկում լուսացուցային օբյեկտի տեղադրման անհրաժեշտության մասին։
Սույն թվականի մարտի 12-ին մայրաքաղաքի Կամոյի և Սարոյան փողոցների խաչմերուկում արդեն իսկ տեղադրվել և գործում է ժանակակից հագեցվածությամբ լուսացուցային օբյեկտը։
Հնարավոր ճանապարհատրանսպորտային պատահարները կանխարգելելու նպատակով մեր համերկրացիներին կոչ ենք անում խստագույնս հետևել լուսացույցի ազդանշանին և անշեղորեն պահպանել երթևեկության կանոնները։