ԿԱՅՔԻ ՔԱՐՏԵԶ
ԹԵԺ ԳԻԾ
25.05.2015 15:22
Նշանակվել է դատաբժշկական փորձաքննություն
Մայիսի 23-ին Ստեփանակերտ քաղաքի Հեքիմյան փողոցի թիվ 8բ շենքի N բնակարանի բնակչուհի, 1981թ. ծնված Լ. Հ-ն ոստիկանության քաղվարչություն է դիմել այն մասին, որ մայիսի 21-ին` ժամը 21:30-ի սահմաններում, իր հարևանուհին` 1986թ. ծնված Լ. Հ-ն, նշված շենքի մուտքում անցենզուր հայհոյանքներ է տվել և քաշքշել իր դստեր` 2006թ. ծնված Վ. Գ-ի մազերից, այնուհետև դռան բռնակով հարվածել իր դեմքին:
Լ. Հ-ին և Վ. Գ-ին տրվել են դատաբժշկի ուղեգրեր:
****
Մայիսի 23-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչություն հաղորդում է ստացվել այն մասին, որ ճակատային շրջանի սալջարդ վերքով բուժօգնության է դիմել Փետրվարի 20-ի փողոցի N տան բնակիչ, 1958թ. ծնված Ա. Ս-ն:
Պարզվել է, որ նույն օրը` ժամը 17:00-ի սահմաններում, Ստեփանակերտ քաղաքի ավտոկայանի բակում վիճաբանություն է առաջացել Ա. Ս-ի և Մանուկյան փողոցի թիվ 8 շենքի N բնակարանի բնակիչ, 1983թ. ծնված Դ. Ա-ի միջև, որի ընթացքում վերջինս ձեռքով մեկ անգամ հարվածել է Ա. Ս-ի դեմքին և նրան տեղափոխել Հանրապետական բժշկական կենտրոն, այնուհետև, ժամը 20:00-ի սահմաններում, վերջինիս որդիները ներկայացել են բժշկական կենտրոն և վիճաբանության մեջ մտնելով Դ. Ա-ի հետ` փոխադարձ հարվածներ հասցրել միմյանց:
Նշված անձանց տրվել են դատաբժշկի ուղեգրեր:
****
Մայիսի 23-ին Մարտակերտ քաղաքի Ազատամարտիկների փողոցի N տան բնակչուհի, 1989թ. ծնված Լ. Ղ-ն ոստիկանության շրջբաժին է դիմել այն մասին, որ մայիսի 22-ին` ժամը 17:00-ի սահմաններում, տանը վիճաբանության ժամանակ իրեն ծեծի է ենթարկել ամուսինը` 1989թ. ծնված Ա. Ա-ն (բն. է նույն հասցեում):
Լ. Ղ-ին տրվել է դատաբժշկի ուղեգիր: