ԿԱՅՔԻ ՔԱՐՏԵԶ
ԹԵԺ ԳԻԾ
08.07.2014 17:17
Նշանակվել է դատաբժշկական փորձաքննություն
Հուլիսի 7-ին, ժամը 15:00-ի սահմաններում, Մարտակերտի շրջանի Կոճողոտ գյուղի վարչական տարածքում տեղակայված գազալցակայանում Գետավան գյուղի բնակիչ, 1978թ. ծնված Ք. Խ-ն և Մարտակերտ քաղաքի Վ. Գալստյան փողոցի N տան բնակիչ, 1978թ. ծնված Լ. Հ-ն վիճաբանության ժամանակ հարվածներ են հասցրել միմյանց, որի ընթացքում Լ. Հ-ն հարվածելու նպատակով փայտ է հանել իրեն պատկանող «ՎԱԶ-2107» մակնիշի ավտոմեքենայից, իսկ Ք. Խ-ն «Միցուբիշի Պաջերո» ավտոմեքենայից` 16մմ տրամաչափի երկփողանի որսորդական հրացան:
Միջադեպը կանխվել է ոստիկանության Մարտակերտի շրջբաժնի ծառայողի կողմից:
Հրացանը և փայտը առգրավված են:
Նշված անձանց տրվել են դատաբժշկի ուղեգրեր:
***
Հուլիսի 7-ին ոստիկանության Ստեփանակերտի քաղվարչությունից ոստիկանության Մարտունու շրջբաժին նյութեր են ստացվել այն մասին, որ հուլիսի 2-ին, ժամը 11:00-ին, կողերի կոտրվածքով Հանրապետական բժշկական կենտրոն է դիմել Աշան գյուղի բնակիչ, 1974թ. ծնված Դ. Գ-ն:
Պարզվել է, որ հունիսի 29-ին, ժամը 10:00-ի սահմաններում, Դ. Գ-ին տան բակում ծեծի են ենթարկել համագյուղացիներ` 1995թ. ծնված Մ. Խ-ն, 1995թ. ծնված Հ. Խ-ն և 1975թ. ծնված Մ. Գ-ն, որից հետո հրելով գետնին են տապալել վիճաբանությանը միջամտած Դ. Գ-ի հայր` 1945թ. ծնված Բ. Գ-ին:
Նշված անձանց տրվել են դատաբժշկի ուղեգրեր: