ԿԱՅՔԻ ՔԱՐՏԵԶ
ԹԵԺ ԳԻԾ
22.10.2018 18:32
Մենք սպասում ենք Ձեզ. Արցախի Հանրապետության ոստիկանության պետի այցելությունը «Անհայտ կորած ազատամարտիկների հարազատների» միություն.
«Անհայտ կորած ազատամարտիկների հարազատների» միության կազմավորման 20-ամյակի նախօրեին՝ սույն թվականի հոկտեմբերի 22-ին ԱՀ ոստիկանության պետ, ոստիկանության գնդապետ Իգոր Գրիգորյանը այցելեց «Անհայտ կորած ազատամարտիկների հարազատների» միություն և հանդիպում ունեցավ միության նախագահ Վերա Գրիգորյանի հետ։ Մեկ առ մեկ շրջելով սրահներով, միության նախագահը ոստիկանության պետին ծանոթացրեց անհայտ կորած ազատամատիկների կյանքի և ծառայության հատկանշական դրվագներին, անձնական իրերին և փաստաթղթերին։
Իր տպավորություններն ու մաղթանքները գրառելուց հետո, կարևորելով «Անհայտ կորած ազատամարտիկների հարազատների» միության 20-ամյա գործունեությունը ինչպես անհայտ կորածների որոնման, այնպես էլ՝ մատաղ սերնդի ռազմահայրենասիրական դաստիարակության գործում, ոստիկանության գնդապետ Իգոր Գրիգորյանը պատրաստակամություն հայտնեց էլ ավելի ամրապնդել ԱՀ ոստիկանության և «Անհայտ կորած ազատամարտիկների հարազատների» միության համագործակցությունը ու այդ շրջանակներում ցուցաբերվող աջակցությունը։