ԿԱՅՔԻ ՔԱՐՏԵԶ
ԹԵԺ ԳԻԾ
23.03.2020 11:21
Մարտակերտի շրջանում գողության դեպքեր են բացահայտվել
Մարտի 21-ին ԱՀ ոստիկանության Մարտակերտի շրջանային բաժնի ծառայողները՝ ԱՀ ոստիկանության քրեական հետախուզության վարչության ծառայողների հետ համատեղ Մարտակերտի շրջանի բնակչուհի, 1977թ. ծնված Ի. Ա.-ի դիմումի շուրջ իրականացրած ստուգումների արդյունքում պարզել են, որ Մարտակերտի շրջանի բնակիչ, 1973թ. ծնված Բ. Գ.-ն 2019թ. հոկտեմբերի սկզբներին Հաթերք գյուղի վարչական տարածքի «Յելի յալ» կոչվող տեղամասից գողացել է Ի. Ա.-ին պատկանող 2 գլուխ խոշոր եղջերավոր անասունները, այնուհետև մորթել և տեղափոխել ՀՀ ք. Վարդենիս ու վաճառել ՀՀ Գեղարքունիքի մարզի բնակիչ, 1963թ. ծնված Զ. Գ.-ին:
Վնասի չափը պարզվում է:
Պարզվել է նաև, որ Մարտակերտի շրջանի բնակիչ, 1973թ. ծնված Բ. Գ.-ն նույն ժամանակահատվածում Հաթերք գյուղի վարչական տարածքի «Յելի յալ» կոչվող տեղամասից գողացել է Մարտակերտի շրջանի բնակիչ, 1985թ. ծնված Խ. Մ.-ին պատկանող 3 գլուխ խոշոր եղջերավոր անասունները, այնուհետև մորթել և տեղափոխել ՀՀ ք. Վարդենիս, որից 2 գլուխը վաճառել է ՀՀ Գեղարքունիքի մարզի բնակիչ, 1963թ. ծնված Զ. Գ.-ին, իսկ 1 գլուխը ՀՀ Գեղարքունիքի մարզի Վարդենիս քաղաքի բնակիչ,1993թ. ծնված Գ. Մ.-ին:
Վնասի չափը պարզվում է:
Ստուգումներով զբաղվում է ԱՀ ոստիկանության Մարտակերտի շրջանային բաժինը:
