ԿԱՅՔԻ ՔԱՐՏԵԶ
ԹԵԺ ԳԻԾ
13.06.2015 12:10
Մարմնական վնասվածքներ՝ վիճաբանության ժամանակ
Հունիսի 12-ին Ստեփանակերտ քաղաքի Արզանյան փողոցի N տան բնակչուհի, 1971թ. ծնված Ե. Հ-ն ոստիկանության քաղվարչություն է դիմել այն մասին, որ հունիսի 10-ին՝ ժամը 17:00-ի սահմաններում, Ս. Շահումյանի անվան պուրակում իրեն ձեռքով հարվածել է Ասկերանի շրջանի Լուսաձոր գյուղի բնակիչ, 1977թ. ծնված Ա. Ա-ն:
Ե. Հ-ին տրվել է դատաբժշկի ուղեգիր:
****
Հունիսի 12-ին շրջբուժմիավորումից ոստիկանության Հադրութի շրջբաժին հաղորդում է ստացվել այն մասին, որ շտապ բուժօգնության մեքենայով իրենց մոտ է տեղափոխվել տարբեր մարմնական վնասվածքներ ստացած Դիզակի փողոցի N տան բնակիչ, 1977թ. ծնված Կ. Գ-ն:
Պարզվել է, որ նույն օրը՝ ժամը 18:00-ի սահմաններում, Փետրվարի 20-ի փողոցի թիվ 3 տան բակում, վիճաբանություն է առաջացել նույն տան բնակիչներ՝ 1998թ. ծնված Լ. Ս-ի, 1999թ. ծնված Վ. Ս-ի, Դիզակի փողոցի N տան բնակիչ, 1950թ. ծնված Ա. Գ-ի, իսկ մյուս կողմից՝ Կ. Գ-ի և 1976թ. ծնված Ա. Գ-ի միջև, որի ընթացքում կողմերը փոխադարձ հարվածներ են հասցրել միմյանց` պատճառելով մարմնական վնասվածքներ:
Նշված անձանց տրվել են դատաբժշկի ուղեգրեր: