ԿԱՅՔԻ ՔԱՐՏԵԶ
ԹԵԺ ԳԻԾ
30.06.2014 16:20
Մարմնական վնասվածքներ` վիճաբանության ժամանակ
Հունիսի 28-ին Ստեփանակերտ քաղաքի Վաղարշյան փողոցի N տան բնակչուհի, 1955թ. ծնված Կ. Գ-ն ոստիկանության քաղվարչություն է դիմել այն մասին, որ նույն օրը, ժամը 16:30-ի սահմաններում, Ստեփանակերտ քաղաքի թիվ 5 դպրոցի բակում իրեն ծեծի է ենթարկել նշված փողոցի N տան բնակիչ, 1944թ. ծնված Հ. Ս-ն:
Կ. Գ-ին տրվել է դատաբժշկի ուղեգիր:
***
Հունիսի 28-ին շրջհիվանդանոցից ոստիկանության Մարտակերտի շրջբաժին հաղորդում է ստացվել այն մասին, որ մարմնի սալջարդ վնասվածքներով իրենց մոտ է տեղափոխվել Ներքին Հոռաթաղ գյուղի բնակչուհի, 1967թ. ծնված Ս. Զ-ն:
Պարզվել է, որ նույն օրը, ժամը 20:00-ի ահմաններում, Ս. Զ-ին իրենց տան մոտ ծեծի են ենթարկել ամուսնու եղբայրը` 1957թ. ծնված Ս. Դ-ն և նրա որդին` 1982թ. ծնված Կ. Դ-ն:
Նշված անձանց տրվել են դատաբժշկի ուղեգրեր:
***
Հունիսի 29-ին Մարտունու շրջանի Կաղարծի գյուղի բնակիչ, 1989թ. ծնված Ա. Յու-ն ոստիկանության Մարտակերտի շրջբաժին է դիմել այն մասին, որ նույն օրը, ժամը 01:30-ի սահմաններում, Վանք գյուղի հանդիսությունների սրահում վիճաբանության ժամանակ իրեն ծեծի է ենթարկել Ասկերանի շրջանի Նորագյուղ գյուղի բնակիչ, 1988թ. ծնված Ա. Ա-ն:
Ա. Յու-ին տրվել է դատաբժշկի ուղեգիր: