ԿԱՅՔԻ ՔԱՐՏԵԶ
ԹԵԺ ԳԻԾ
18.05.2019 11:04
ՄԱՐՄՆԱԿԱՆ ՎՆԱՍՎԱԾՔ
Ս.թ. մայիսի 18-ին Ստեփանակերտ քաղաքի բնակչուհի, 1996թ.ծնված Ա. Մ-ն հեռախոսով հաղորդել է ԱՀ ոստիկանության Ստեփանակերտ քաղաքի վարչություն առ այն, որ իր ամուսին`1992թ.ծնված Գ. Ա-ին ծեծի են ենթարկել ու այժմ էլ շենքի բակում վիճաբանում են նրա հետ։
ԱՀ ոստիկանության Ստեփանակերտ քաղաքի վարչության ծառայողները պարզել են, որ նույն օրը ժամը 03:30-ի սահմաններում Ստեփանակերտ քաղաքի «Կամուրջ» ռեստորանի դիմաց վիճաբանություն է առաջացել մայրաքաղաքի բնակիչներ՝ Գ.Ա-ի և 1990թ.ծնված Ն. Մ-ի միջև, որի ընթացքում կողմերը փոխադարձ հարվածներ են հասցրել միմյանց` պատճառելով մարմնական վնասվածքներ:
Գ.Ա-ին և Ն. Մ-ին բերման են ենթարկել ԱՀ ոստիկանության Ստեփանակերտ քաղաքի վարչություն:
Նշված անձանց տրվել են դատաբժշկի ուղեգրեր:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: