ԿԱՅՔԻ ՔԱՐՏԵԶ
ԹԵԺ ԳԻԾ
28.03.2019 11:30
ՄԱՐՄՆԱԿԱՆ ՎՆԱՍՎԱԾՔ
Ս.թ.մարտի 27-ին Մարտունու շրջանի բնակիչ, 1989թ. ծնված Պ. Ս-ն հեռախոսով հայտնել է ԱՀ ոստիկանության Մարտունի շրջանային բաժին առ այն, որ իրենց տանը վիճաբանություն է առաջացել իր և իրենց տանը հյուընկալված Ստեփանակերտ քաղաքի բնակիչներ՝ 1986թ.ծնված Ա. Գ-ի և 1987թ.ծնված Ս. Հ-ի միջև:
ԱՀ ոստիկանության Մարտունու շրջանային բաժնի ծառայողները պարզել են, որ նույն օրը ժամը 17:30-ի սահմաններում վիճաբանություն է առաջացել մի կողմից Պ. Ս-ի, իսկ մյուս կողմից Ա. Գ-ի և Ս. Հ-ի միջև, որի ընթացքում կողմերը փոխադարձ հարվածներ են հասցրել միմյանց։ Վիճաբանության ընթացքում ջարդվել է Ս. Հ-ին պատկանող «ՎԱԶ-2107» մակնիշի ավտոմեքենայի հետևի դիմապակին։
Նշանակվել է դատաբժշկական փորձաքննություն, պատճառված նյութական վնասի չափը ճշտվում է:
Ստուգմամբ զբաղվում է ԱՀ ոստիկանության Մարտունու շրջանային բաժինը :