ԿԱՅՔԻ ՔԱՐՏԵԶ
ԹԵԺ ԳԻԾ
20.07.2020 11:42
Մարմնական վնասվածք է ստացել կոմբայնը կողաշրջվելու հետևանքով
Հուլիսի 19-ին ՀՀ ոստիկանության Սյունիքի մարզային վարչության Կապանի բաժնից հաղորդում է ստացվել ԱՀ ոստիկանության Քաշաթաղի շրջանային բաժին այն մասին, որ նույն օրը ժամը 21:10-ին «Կապանի բժշկական կենտրոն» ՓԲԸ է դիմել ՀՀ Կապան քաղաքի բնակիչ, 1992թ.ծնված Ա. Գ.-ն գանգուղեղային փակ վնասվածք ախտորոշմամբ: Ըստ Ա. Գ.-ի խոսքերի վերջինս վնասվածքը ստացել է նույն օրը ժամը 19:00-ի սահմաններում Քաշաթաղի շրջանի «Ջամբար» կոչվող տարածքում:
Մեկնած Միջնավանի բաժանմունքի ավագ օպերլիազոր Դ. Ս.-ն պարզել է, որ նույն օրը ժամը 19:00-ի սահմաններում, Ա. Գ.-ն իր կողմից շահագործվող «Կլաս» մակնիշի կոմբայնով, Կերեն համայնքի «Ջամբար» կոչվող տարածքում հացահատիկի հունձի ժամանակ, տեղանքի թեքության պատճառով կողաշրջվել է, ինչի արդյունքում վերջինս ստացված մարմանական վնասվածքներով տեղափոխվել է «Կապանի բժշկական կենտրոն»:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: