ԿԱՅՔԻ ՔԱՐՏԵԶ
ԹԵԺ ԳԻԾ
23.12.2019 09:52
ՃՏՊ՝ Ասկերան-Ստեփանակերտ ավտոճանապարհին. «ՎԱԶ-21124»-ի վարորդը գտնվել է ալկոհոլի ազդեցության տակ
Դեկտեմբերի 21-ին, ժամը 05:40-ի սահմաններում Ասկերան-Ստեփանակերտ ավտոճանապարհի 4-րդ կիլոմետրին Մարտակերտի շրջանի բնակիչ, 1996թ. ծնված Վ. Մ.-ն վարելով «ՎԱԶ-21124» մակնիշի ավտոմեքենան բախվել է Ստեփանակերտի բնակիչ, 1963թ. ծնված Ռ. Ս.-ի վարած «ԳԱԶ-5312» մակնիշի ավտոմեքենային և կողաշրջել, ինչի հետևանքով Վ. Մ.-ն և իր ուղևոր՝ Մարտակերտի շրջանի բնակչուհի, 1965թ. ծնված Ա. Ա.-ն և «ԳԱԶ-5312»-ի վարորդ Ռ. Ս.-ն ստացած մարմնական վնասվածքներով տեղափոխվել են «Հանրապետական բժշկական կենտրոն» ՓԲԸ:
«ՎԱԶ-21124» մակնիշի ավտոմեքենայի վարորդը տրանսպորտային միջոց վարելու իրավունքից զրկված է եղել: Նա նաև ավտոմեքենան վարել է ալկոհոլի ազդեցության տակ:
Ստուգմամբ զբաղվում է ԱՀ ոստիկանության Ասկերանի շրջանային բաժինը: