ԿԱՅՔԻ ՔԱՐՏԵԶ
ԹԵԺ ԳԻԾ
11.03.2017 11:45
ՃՏՊ. տուժողները տեղափոխվել են հիվանդանոց
Մարտի 10-ին «Հանրապետական բժշկական կենտրոն» ՓԲԸ-ից հաղորդում է ստացվել այն մասին, որ պոլիտրավմայով, կրծքավանդակի և որովայնի բութ վնասվածքով իրենց մոտ է տեղափոխվել Ստեփանակերտ քաղաքի Սուվորովի փողոցի N տան բնակիչ, 1950թ. ծնված Վ. Ա-ն:
Պարզվել է, որ նույն օրը՝ ժամը 15:25-ի սահմաններում, Վ. Ա-ն, վարելով իրեն պատկանող «Սուզուկի Գրանդ Վիտարա» մակնիշի ավտոմեքենան, Ստարավոյտովայի և Նաբերեժնայա փողոցների խաչմերուկում դուրս է եկել ճանապարհի երթևեկելի մասից, բախվել գազատար խողովակի հենասյանը և ստացել նշված վնասվածքը:
*****
Մարտի 11-ին՝ ժամը 04:30-ի սահմաններում, Մարտունու շրջանի Թաղավարդ գյուղի բնակիչ, 1996թ. ծնված Ս. Շ-ն, վարելով «Ֆորդ Տրանզիտ» մակնիշի ավտոմեքենան, Ստեփանակերտ-Դրմբոն ավտոճանապարհի 15-րդ կիլոմետրին դուրս է եկել ճանապարհի երթևեկելի մասից, գլորվել և ստացած մարմնական վնասվածքներով տեղափոխվել «Հանրապետական բժշկական կենտրոն» ՓԲԸ: