ԿԱՅՔԻ ՔԱՐՏԵԶ
ԹԵԺ ԳԻԾ
08.08.2016 17:34
ՃՏՊ-ներ Մարտունու շրջանում
Օգոստոսի 6-ին շրջբուժմիավորումից ոստիկանության Մարտունու շրջբաժնում հաղորդում է ստացվել այն մասին, որ կրծքավանդակի բութ վնասվածքով և կողերի կոտրվածքով իրենց մոտ է տեղափոխվել Մարտունի քաղաքի Սայաթ Նովա փողոցի թիվ 1 շենքի N բնակարանի բնակիչ, 1971թ. ծնված Հ. Ս-ն:
Պարզվել է, որ նույն օրը՝ ժամը 05:00-ի սահմաններում, Հ. Ս-ն, վարելով իրեն պատկանող «ԳԱԶ-3110» մակնիշի ավտոմեքենան, Մարտունի-Ճարտար-Կարմիր Շուկա ավտոճանապարհի 18-րդ կիլոմետրին դուրս է եկել երթևեկելի մասից և գլորվել ձորը:
*****
Օգոստոսի 8-ին ոստիկանության Ստեփանակերտի քաղվարչությունից հաղորդում է ստացվել այն մասին, կրծքավանդակի սալջարդ վնասվածքով «Հանրապետական բժշկական կենտրոն» ՓԲԸ է տեղափոխվել Ստեփանակերտ քաղաքի Պ.Սևակի փողոցի N տան բնակիչ, 1986թ. ծնված Ս. Բ-ն:
Պարզվել է, որ օգոստոսի 7-ին՝ ժամը 18:40-ի սահմաններում, Ս. Բ-ն, վարելով իրեն պատկանող «Իսուզու Ռոդեո» մակնիշի ավտոմեքենան, Մարտունի-Ննգի-Ստեփանակերտ ավտոճանապարհի 25-րդ կիլոմետրին դուրս է եկել երթևեկելի մասից և ընկել փոսը:
