ԿԱՅՔԻ ՔԱՐՏԵԶ
ԹԵԺ ԳԻԾ
08.04.2015 17:28
ՃՏՊ-ներ` հանրապետությունում
Ապրիլի 7-ին` ժամը 04:00-ի սահմաններում, անհայտ անձը չպարզված ավտոմեքենայով Ստեփանակերտ քաղաքի Նաբերեժնայա փողոցի թիվ 3 շենքի մոտ վրաերթի է ենթարկել նույն փողոցի N տան բնակչուհի, 1956թ. ծնված Ս. Մ-ին ու դեպքի վայրից հեռացել, ինչի արդյունքում վերջինս ստացած վնասվածքներով տեղափոխվել է Հանրապետական բժշկական կենտրոն:
ԼՂՀ ոստիկանության Ստեփանակերտի քաղվարչության և Ճանապարհային ոստիկանության կողմից ձեռնարկված միջոցառումների արդյունքում, նշված հանցագործությունը կատարելու կասկածանքով բերման է ենթարկվել Ստեփգէսի փողոցի N տան բնակիչ, 1974թ. ծնված Վ. Բ-ն և նրա անձնական օգտագործման «Օպել Աստրա» մակնիշի ավտոմեքենան:
****
Ապրիլի 7-ին` ժամը 12:30-ի սահմաններում, Ստեփանակերտ քաղաքի Սարոյան փողոցի թիվ 10 շենքի N բնակարանի բնակիչ, 1993թ. ծնված Մ. Մ-ն, վարելով «Օպել Վեկտրա Բ» մակնիշի ավտոմեքենան, Վ. Սարգսյան փողոցի թիվ 22 շենքի դիմացի ճանապարհահատվածում վրաերթի է ենթարկել նույն փողոցի թիվ 18 շենքի N բնակարանի բնակիչ, 2002թ. ծնված Է. Կ-ին, ով աջ ոտքի փակ կոտրվածքով տեղափոխվել է «Արևիկ» մանկական բուժմիավորում:
****
Ապրիլի 7-ին` ժամը 21:00-ի սահմաններում, Ստեփանակերտ քաղաքի Շինարարների փողոցի N տան բնակիչ, 1990թ. ծնված Ա. Ա-ն, վարելով «Օպել Աստրա G» մակնիշի ավտոմեքենան, Ստեփանակերտ-Կարմիր Շուկա ավտոճանապարհի 21-րդ կիլոմետրին դուրս է եկել ճանապարհի երթևեկելի մասից և գլորվել ձորը, ինչի հետևանքով ուղևոր` Մարտունու փողոցի N տան բնակիչ, 1990թ. ծնված Է. Տ-ն ստացած վնասվածքներով տեղափոխվել է Հանրապետական բժշկական կենտրոն:
****
Ապրիլի 5-ին` ժամը 23:00-ի սահմաններում, Ստեփանակերտ քաղաքի Մանուկյան փողոցի թիվ 4 շենքի N բնակարանի բնակիչ, 1971թ. ծնված Ն. Մ-ն, վարելով «Տոյոտա Լանդ Կրաուզեր Պրադո» մակնիշի ավտոմեքենան, Խրամորթ-Փառուխ ավտոճանապարհի 1-ին կիլոմետրին դուրս է եկել ճանապարհի երթևեկելի մասից և կողաշրջել այն, ինչի հետևանքով ստացած մարմնական վնասվածքներով տեղափոխվել Ասկերանի շրջբուժմիավորում: