ԿԱՅՔԻ ՔԱՐՏԵԶ
ԹԵԺ ԳԻԾ
06.12.2016 18:03
ՃՏ պատահարներ
Դեկտեմբերի 2-ին շրջբուժմիավորումից ոստիկանության Մարտունու շրջբաժնում հաղորդում է ստացվել այն մասին, որ կրծքավանդակի սալջարդ, ներքևի շրթունքի պատռված վնասվածքներով իրենց մոտ է տեղափոխվել Մարտունու շրջանի Գիշի գյուղի բնակիչ, 1958թ. ծնված Գ. Հ-ն:
Պարզվել է, որ նույն օրը՝ ժամը 17:50-ի սահմաններում, Գ. Հ-ն, վարելով իրեն պատկանող §ì²¼-21061¦ մակնիշի ավտոմեքենան, Մարտունի-Ննգի-Ստեփանակերտ ավտոճանապարհի 6-րդ կիլոմետրին բախվել է Սպիտակաշեն գյուղի բնակիչ, 1959թ. ծնված Կ. Հ-ին պատկանող §ì²¼-21063¦ մակնիշի ավտոմեքենային, ինչի հետևանքով Գ. Հ-ն ստացած մարմնական վնասվածքներով տեղափոխվել է շրջբուժմիավորում:
****
Դեկտեմբերի 4-ին «Հանրապետական բժշկական կենտրոն» ՓԲԸ-ից հաղորդում է ստացվել այն մասին, որ աջ ազդրի և շրթունքի սալջարդ վնասվածքներով բուժօգնության է դիմել Ասկերանի շրջանի Ավետարանոց գյուղի բնակիչ, 1995թ. ծնված Կ. Բ-ն:
Պարզվել է, որ նույն օրը՝ ժամը 01:30-ի սահմաններում, Կ. Բ-ն, վարելով իրեն պատկանող «ՎԱԶ-2121» մակնիշի ավտոմեքենան, Ստեփանակերտ-Ասկերան ավտոճանապարհի 2-րդ կիլոմետրին դուրս է եկել երթևեկելի մասից, կողաշրջել այն և ստացել նշված վնասվածքները:
****
Դեկտեմբերի 5-ին «Հանրապետական բժշկական կենտրոն» ՓԲԸ-ից հաղորդում է ստացվել այն մասին, որ գլխի քունքի գագաթային շրջանի սալջարդ վերքով, գլխուղեղի ցնցում հարցականով իրենց մոտ է տեղափոխվել Հեքիմյան փողոցի թիվ 9 շենքի N բնակարանի բնակիչ, 1953թ. ծնված Է. Դ-ն:
Պարզվել է, որ նույն օրը՝ ժամը 22:20-ի սահմաններում, Հեքիմյան փողոցի թիվ 2բ շենքի N բնակարանի բնակիչ, 1985թ. ծնված Մ. Ա-ն, վարելով իրեն պատկանող «Մերսեդես Բենց» մակնիշի ավտոմեքենան, նշված փողոցի թիվ 24 հասցեում տեղակայված «Էմբադա» առևտրի կենտրոնի դիմացի ճանապարհահատվածում բախվել է Է. Դ-ի վարած «Օպել Վեկտրա» մակնիշի ավտոմեքենային, այնուհետև գովազդային վահանակին, ինչի հետևանքով վերջինիս վարորդ Է. Դ-ն ստացել է նշված վնասվածքները: