ԿԱՅՔԻ ՔԱՐՏԵԶ
ԹԵԺ ԳԻԾ
27.02.2016 12:52
ՃՏ պատահարներ
Փետրվարի 26-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչության հերթապահ մասում հաղորդում է ստացվել այն մասին, որ գոտկատեղի փափուկ հյուսվածքների սալջարդով բուժօգնության է դիմել Ազատամարտիկների փողոցի թիվ 56 շենքի N բնակարանի բնակչուհի, 1979թ. ծնված Զ. Մ-ն:
Պարզվել է, որ նույն օրը՝ ժամը 20:30-ի սահմաններում, Շուշի քաղաքի Մանուկյան փողոցի թիվ 1 շենքի N բնակարանի բնակիչ, 1979թ. ծնված Զ. Ս-ն իրեն պատկանող «ՎԱԶ-2106» մակնիշի ավտոմեքենայով Ազատամարտիկների, Մ. Գոշի և Արզանյան փողոցների խաչմերուկում վրաերթի է ենթարկել Զ. Մ-ին և նրան տեղափոխել հանրապետական հիվանդանոց:
****
Փետրվարի 26-ին՝ ժամը 19:40-ի սահմաններում, Մարտունու շրջանի Սոս գյուղի բնակիչ, 1988թ. ծնված Ա. Բ-ն, վարելով «Նիսսան Իքստերրա» մակնիշի ավտոմեքենան, Մարտունի-Ննգի-Ստեփանակերտ ավտոճանապարհի 14-րդ կիլոմետրին բախվել է ՀՀ Երևան քաղաքի բնակիչ, 1985թ. ծնված Ս. Մ-ի վարած «Միցուբիշի Գրանդիս» մակնիշի ավտոմեքենային, ինչի հետևանքով Ա. Բ-ն ստացած մարմնական վնասվածքներով տեղափոխվել է շրջբուժմիավորում: