ԿԱՅՔԻ ՔԱՐՏԵԶ
ԹԵԺ ԳԻԾ
05.07.2016 17:59
ՃՏ պատահարի 3 դեպք
Հուլիսի 4-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչությունում հաղորդում է ստացվել այն մասին, որ ձախ սրունքթաթային հոդի և աջ նախաբազկի սալջարդ վնասվածքներով իրենց մոտ է տեղափոխվել Մարտակերտ քաղաքի Օզանյան փողոցի թիվ 3 շենքի N բնակարանի բնակչուհի, 1957թ. ծնված Զ. Փ-ն:
Պարզվել է, որ նույն օրը՝ ժամը 14:55-ի սահմաններում, Ստեփանակերտ քաղաքի Հեքիմյան փողոցի թիվ 14բ շենքի N բնակարանի բնակիչ, 1986թ. ծնված Յա. Խ-ն, վարելով իրեն ամրակցված «ԲԻԴ» մակնիշի ավտոմեքենան, Բաղրամյան փողոցի թիվ 7 շենքի բակում հետընթաց կատարելիս վրաերթի է ենթարկել Զ. Փ-ին:
****
Հուլիսի 4-ին՝ ժամը 21:30-ի սահմաններում, Մարտունու շրջանի Բերդաշեն գյուղի բնակիչ, 1994թ. ծնված Ա. Մ-ն, վարելով «ՎԱԶ-2121» մակնիշի ավտոմեքենան, Մարտունի-Բերդաշեն-Վազգենաշեն ավտոճանապարհի 25-րդ կիլոմետրին, կորցնելով ավտոմեքենայի կառավարումը, դուրս է եկել ճանապարհի երթևեկելի մասից և կողաշրջվել, ինչի հետևանքով ինքը և ուղևոր՝ նույն գյուղի բնակիչ, 1994թ. ծնված Ա. Զ-ն ստացած մարմնական վնասվածքներով տեղափոխվել են Մարտունու շրջբուժմիավորում:
****
Հուլիսի 1-ին Հադրութի շրջբուժմիավորումից ոստիկանության շրջբաժնում հաղորդում է ստացվել այն մասին, որ կրծքավանդակի փակ կոտրվածքով, մարմնի սալջարդներով և քերծվածքներով իրենց մոտ է տեղափոխվել Խանձաձոր գյուղի բնակիչ, 1991թ. ծնված Ս. Գ-ն:
Պարզվել է, որ նույն օրը՝ ժամը 01:00-ի սահմաններում, Խանձաձոր գյուղի բնակիչ, 1991թ. ծնված Մ. Կ-ն, վարելով «ՎԱԶ-2121» մակնիշի ավտոմեքենան, Հադրութ-Խանձաձոր ճանապարհի 20-րդ կիլոմետրին դուրս է եկել երթևեկելի մասից ու կողաշրջվել, ինչի հետևանքով ուղևոր Ս. Գ-ն ստացել է նշված վնասվածքները: